Rōmano 2:25 - Rapa Nui

²⁵ Te meꞌe he hore i te kiri o te kinoŋa e hauhaꞌa rō ꞌana mo te nuꞌu hūrio haꞌatura ki te haka tere iŋa ꞌa Mōtē. ꞌE, mo te nuꞌu hūrio taꞌe haꞌatura ki rā roŋo, te hore o te kiri o te kinoŋa ꞌina e tahi hauhaꞌa.

Rōmano 2:25 ပူးပေါင်းရင်းမြစ်များ

Aŋa o te ꞌĀpōtoro 7:51

Ko te vānaŋa iŋa ꞌana ia a ꞌĒteva he meꞌe: —E te pūꞌoko hio-hio ē, ꞌina kōrua he haŋa mo haka roŋo ꞌe mo haꞌatura ki te ꞌAtua, pa he nuꞌu taꞌe ꞌite ko ai te ꞌAtua parautiꞌa. Te aŋa o kōrua he aŋa i te meꞌe taꞌe tano ki te ⌊Vārua Maitai⌋. Te kōrua huru pa he huru ꞌā o te kōrua tupuna.

Rōmano 2:13

Taꞌe he nuꞌu tano ki te mata o te ꞌAtua te nuꞌu haka roŋo nō i te haka tere iŋa ꞌa Mōtē. Te nuꞌu tano ki tōꞌona mata he nuꞌu haka roŋo ꞌe haꞌatura ki rā haka tere iŋa.

Rōmano 2:23

E manaꞌu ena koe: ꞌi te ai i a koe te haka tere iŋa ꞌa Mōtē i hau rō atu koe ki te rua, ꞌe, ꞌi te taꞌe haꞌatura ōꞌou ki te meꞌe hāꞌaki o ruŋa, e taꞌe moꞌa ena i te ꞌAtua.

Rōmano 2:26

Te kope taꞌe he hūrio haꞌatura ki te haka tere iŋa ꞌa Mōtē pa he taŋata ko hore ꞌā te kiri o te kinoŋa ka ai atu ꞌina kai hore.

Rōmano 2:27

Hai noho iŋa tano o te kope taꞌe he hūrio haꞌatura i te haka tere iŋa ꞌa Mōtē e tuhi ena i te hape o te nuꞌu hūrio ꞌite o ruŋa i rā haka tere iŋa ꞌe ꞌina he haꞌatura, ka ai atu ko hore ꞌana te kiri o te kinoŋa.

Rōmano 2:28

Te meꞌe he hūrio parautiꞌa, paꞌi, taꞌe he meꞌe o te haho nō, ꞌe pē ira takoꞌa te meꞌe he hore o te kiri o te kinoŋa, taꞌe he meꞌe o te hakari nō.

1 Kōrinto 7:19

Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

Karatia 6:13

Te parautiꞌa, ꞌina e tahi nuꞌu haꞌatura ki te roŋo taꞌatoꞌa o te ⌊haka tere iŋa ꞌa Mōtē⌋, ꞌātā te nuꞌu hore i te kiri o te kinoŋa. E haŋa ena a rāua mo hore o kōrua i te kiri o te kinoŋa mo teꞌo-teꞌo pē nei ē: ko ravaꞌa ꞌana ꞌō e rāua mo maꞌu e kōrua i te tāpaꞌo ena ꞌi ruŋa i te kōrua hakari.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.