Rōmano 2:24 - Rapa Nui

²⁴ ꞌO ira mau ꞌā e kī ena ꞌi ruŋa i te ⌊Pāpaꞌi Moꞌa⌋: «He taꞌe haꞌatura o kōrua o te hūrio, te nuꞌu taꞌe he hūrio e vānaŋa taꞌe tano ena mo te ꞌAtua».

Rōmano 2:24 ပူးပေါင်းရင်းမြစ်များ

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

1 Timoteo 5:14

ꞌO ira a au e haŋa nei ki te ŋā viꞌe ꞌāpī hove mo hāipo-ipo, mo ai o te ŋā poki ꞌe mo ai he ŋā viꞌe maꞌu riva-riva i te rāua hare ꞌe i te rāua huaꞌai, ꞌo ai te meꞌe taꞌe tano mo kī o ruŋa i a rāua e te nuꞌu taꞌe haŋa ki te ꞌAtua.

1 Timoteo 6:1

E Timoteo, e haka ꞌite ki te nuꞌu ꞌekaravo ⌊haka moe i te manaꞌu⌋ ꞌi ruŋa i a Ietū: e moꞌa i te taŋata haka aŋa i a rāua. Mo taꞌe moꞌa o rāua, he kī e te nuꞌu i te vānaŋa taꞌe tano o ruŋa i te tātou hāpī ꞌe o ruŋa i te ꞌAtua.

Tito 2:5

mo hāito i te rāua meꞌe kī ꞌe i te rāua meꞌe aŋa, mo hāpaꞌo i te rāua hakari mo te rāua kenu, mo maꞌu riva-riva i te rāua hare, mo hāꞌūꞌū ki te rua, ꞌe mo moꞌa i te rāua kenu, ꞌo kī rō e te nuꞌu i te vānaŋa taꞌe tano mo te roŋo o te ꞌAtua.

Tito 2:8

ꞌe hai vānaŋa riva-riva ꞌe tī-tika, ꞌo ai te vānaŋa taꞌe tano mo kī e te tētahi taŋata mōꞌou. Pē ira ka haꞌamā ena te nuꞌu taꞌe haŋa ki te hāpī parautiꞌa o te ꞌAtua, he taꞌe ravaꞌa e rāua e tahi meꞌe taꞌe tano o tātou mo kī.

2 Pētero 2:2

Ka ai atu pē ira, e rahi rō te nuꞌu ka aŋa takoꞌa ena i te meꞌe taꞌe tano aŋa e te ŋā maꞌori reo-reo era, ꞌe hai noho iŋa taꞌe tano o rā nuꞌu ka ai ena te vānaŋa taꞌe tano mo te ara parautiꞌa o te ꞌAtua.