Rōmano 2:22 - Rapa Nui

²² ꞌE mo ai e kī takoꞌa rō ꞌana koe ꞌina ko taiꞌata, ¿he aha ia a koe e taiꞌata ena? Mo ai e riri rō ꞌana koe mo te ꞌītoro, ¿he aha ia a koe e toke ena i te hauhaꞌa mai roto i te hare pure o te ꞌītoro?

Rōmano 2:22 ပူးပေါင်းရင်းမြစ်များ

Māteo 12:39

He kī a Ietū: —A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua e haŋa ꞌā mo aŋa ōꞌoku i te mana; ꞌe te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Māteo 16:4

A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua, e haŋa ꞌā mo aŋa ōꞌoku i te mana, ꞌe, te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko Hōnā». He haka rē ia a Ietū i rā nuꞌu ꞌe he eꞌa he oho mai ira.

Marko 11:17

He haꞌamata ia a Ietū he hāpī: «Nā ꞌi ruŋa i te ⌊Pāpaꞌi Moꞌa⌋ e hāꞌaki ena te vānaŋa o te ꞌAtua pē nei ē: “Tōꞌoku hare e kī rō: ‘he hare mo pure mo te hau taꞌatoꞌa’”, ꞌe ko haka riro ꞌā e kōrua he ꞌana o te toke-toke».

Aŋa o te ꞌĀpōtoro 19:37

Te ŋāŋata maꞌu mai nei e kōrua, ꞌina kai aŋa i te meꞌe taꞌe tano ki te hare pure o te tātou ꞌatua ko Aratemita ꞌe kai kī i te vānaŋa rake-rake mōꞌona.

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.