Rōmano 2:11 - Rapa Nui

¹¹ A ia, paꞌi, e kī ena i te meꞌe riva-riva ꞌe i te meꞌe taꞌe tano o te taŋata ꞌina he uꞌi hoki he hūrio ꞌo taꞌe he hūrio.

Rōmano 2:11 ပူးပေါင်းရင်းမြစ်များ

Māteo 22:16

He uŋa ki a Ietū i te rāua nuꞌu hāpī ananake ko te nuꞌu peꞌe ki a ⌊ꞌErore⌋ kī: —E te Maꞌori, ko ꞌite ꞌana a mātou: taꞌa meꞌe vānaŋa he parautiꞌa, e hāpī rō ꞌana koe i te ara parautiꞌa o te ꞌAtua, ꞌe ꞌina koe he haka tano i taꞌa vānaŋa ki te manaꞌu o te taŋata; taꞌe, paꞌi, mo haka koa i a rāua koe e vānaŋa ena.

Ruka 20:21

Pē nei rā nuꞌu i ꞌui ai: —E te Maꞌori, ko ꞌite ꞌana a mātou: taꞌa meꞌe kī ꞌe taꞌa meꞌe hāpī he parautiꞌa. ꞌIna koe he haka tano i te vānaŋa mo haka koa i te taŋata. Te meꞌe hāpī ꞌāꞌau he ara mau ꞌana o te ꞌAtua.

Aŋa o te ꞌĀpōtoro 10:34

He haꞌamata ia a Pētero he vānaŋa: —Hora nei ko ꞌite ꞌana a au ꞌina he ꞌAtua he uꞌi i te taŋata hoki he hūrio ꞌo taꞌe he hūrio; mōꞌona te hau taꞌatoꞌa pē tū huru tahi ꞌā.

Rōmano 9:14

I ai ena pē ira, ¿ka kī ꞌō e aŋa ꞌana te ꞌAtua i te meꞌe taꞌe tano? ¡Taꞌe pē ira!

Karatia 2:6

Te nuꞌu era ko rāua te pūꞌoko haka tere o ira kai takeꞌa e tahi hape o tāꞌaku meꞌe hāpī. (ꞌE ꞌina a au he tapa atu hoki a rāua he nuꞌu ra-rahi. Te ꞌAtua, paꞌi, ꞌi te hora e uꞌi ena i te tano ꞌe i te taꞌe tano o te meꞌe aŋa e te taŋata, ꞌina he tapa atu hoki he taŋata ra-rahi ꞌo he taŋata taꞌe ra-rahi; mōꞌona pē tū huru tahi ꞌā te taŋata).

Ēfeto 6:9

E a kōrua, e te nuꞌu haka aŋa ē, e uꞌi e hāpaꞌo riva-riva te kōrua ꞌekaravo, ꞌe ꞌina ko haka riꞌa-riꞌa. E manaꞌu: a Ietū Kiritō ꞌi te raŋi he Pūꞌoko Haka Tere o kōrua ꞌe o rāua takoꞌa, ꞌe mōꞌona pē tū huru tahi ꞌā te taŋata.

Kōrosa 3:25

ꞌe e haka ūtuꞌa rō i te nuꞌu aŋa i te meꞌe taꞌe tano. ꞌE ꞌi te hora kī o te ꞌAtua i te tano ꞌe i te taꞌe tano o te taŋata, ꞌina he uꞌi hoki he kope ra-rahi ꞌo he kope taꞌe ra-rahi. ꞌO ira, e te ꞌekaravo ē, e aŋa riva-riva kōrua ki te nuꞌu haka aŋa atu.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.