Rōmano 16:9 - Rapa Nui

⁹ E ꞌaroha ki a ꞌUrupano, he hokorua aŋa o tātou ki te Kiritō, ꞌe ki tōꞌoku repahoa haŋa rahi ko ꞌĒtaki.

Rōmano 16:9 ပူးပေါင်းရင်းမြစ်များ

Rōmano 16:21

ꞌĪ e ꞌaroha atu ena a Timoteo, hokorua aŋa ōꞌoku, pē ira takoꞌa ꞌana tōꞌoku hau a Rūtio, a Hātō, ꞌe a Tōtipataro.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 16:8

E ꞌaroha ki a Amapiriato, he repahoa ōꞌoku ꞌi te haka moe iŋa i te manaꞌu ꞌi ruŋa i a Ietū.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Karatia 1:22

Te taina haka moe i te manaꞌu ꞌi ruŋa i a Ietū o Hūrea kai takeꞌa hia ꞌana i a au.

Fīripo 2:25

ꞌĪ a au e manaꞌu takoꞌa ꞌā mo uŋa atu i te tātou taina ko Epafororito, kope uŋa mai era e kōrua mo hāꞌūꞌū mai ki a au. A ia he hokorua aŋa ōꞌoku ꞌe pa he vaꞌehau haka ꞌou e tahi o te ⌊Kiritō⌋.