Rōmano 16:7 - Rapa Nui

⁷ E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 16:7 ပူးပေါင်းရင်းမြစ်များ

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 6:56

Te kope kai i tōꞌoku hakari ꞌe unu i tōꞌoku toto e ko haka rē i a au, ꞌe a au i a ia.

Rōmano 16:10

E ꞌaroha ki a Āpere, he kope ko haka takeꞌa mai ꞌana i te pūai o tōꞌona haka moe iŋa i te manaꞌu ꞌi ruŋa i a Ietū, ꞌe, takoꞌa, ki te huaꞌai o Aritovuro.

Rōmano 16:11

E ꞌaroha ki a Erotione, hūrio takoꞌa pē au, ꞌe ki te nuꞌu o te huaꞌai o Naratito haka moe i te manaꞌu ꞌi ruŋa i a Ietū.

Rōmano 16:21

ꞌĪ e ꞌaroha atu ena a Timoteo, hokorua aŋa ōꞌoku, pē ira takoꞌa ꞌana tōꞌoku hau a Rūtio, a Hātō, ꞌe a Tōtipataro.

Rōmano 16:3

E ꞌaroha atu kōrua ki a Pirika ꞌe ki a ꞌĀkira; a rāua he hokorua ōꞌoku ꞌi te aŋa vaꞌai mai e Ietū Kiritō.

Rōmano 16:6

E ꞌaroha atu ki a ⌊Māria⌋, vaꞌai i a ia ki te aŋa mo hāꞌūꞌū atu ki a kōrua.

Rōmano 16:8

E ꞌaroha ki a Amapiriato, he repahoa ōꞌoku ꞌi te haka moe iŋa i te manaꞌu ꞌi ruŋa i a Ietū.

Rōmano 16:9

E ꞌaroha ki a ꞌUrupano, he hokorua aŋa o tātou ki te Kiritō, ꞌe ki tōꞌoku repahoa haŋa rahi ko ꞌĒtaki.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 9:3

mo tōꞌoku taina he itaraera. ꞌĀhani hai vaꞌai ōꞌoku i a au mo haka ūtuꞌa e te ꞌAtua, ꞌe hai haꞌataꞌa ōꞌoku i a au mai te ⌊Kiritō⌋ he riva a au mo hāꞌūꞌū ki a rāua mo ⌊haka moe i te manaꞌu⌋ ꞌi ruŋa i a Ietū, ko meꞌe era ꞌana e au.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 1:22

Te taina haka moe i te manaꞌu ꞌi ruŋa i a Ietū o Hūrea kai takeꞌa hia ꞌana i a au.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Karatia 2:6

Te nuꞌu era ko rāua te pūꞌoko haka tere o ira kai takeꞌa e tahi hape o tāꞌaku meꞌe hāpī. (ꞌE ꞌina a au he tapa atu hoki a rāua he nuꞌu ra-rahi. Te ꞌAtua, paꞌi, ꞌi te hora e uꞌi ena i te tano ꞌe i te taꞌe tano o te meꞌe aŋa e te taŋata, ꞌina he tapa atu hoki he taŋata ra-rahi ꞌo he taŋata taꞌe ra-rahi; mōꞌona pē tū huru tahi ꞌā te taŋata).

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Kōrosa 4:10

ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

Firemono 1:23

ꞌĪ a Epafara e ꞌaroha atu ena; a ia he hokorua ōꞌoku ꞌi roto i te hare maꞌuꞌaurī ꞌo te haka ꞌite takoꞌa o ruŋa i a Ietū Kiritō.

1 Iovani 4:13

Te meꞌe haka ꞌite mai he parautiꞌa mau ꞌana ananake tātou ko te ꞌAtua ko te meꞌe nei: ko vaꞌai mai ꞌana e ia i tōꞌona Vārua.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.