Rōmano 16:6 - Rapa Nui

⁶ E ꞌaroha atu ki a ⌊Māria⌋, vaꞌai i a ia ki te aŋa mo hāꞌūꞌū atu ki a kōrua.

Rōmano 16:6 ပူးပေါင်းရင်းမြစ်များ

Māteo 27:55

ꞌI rā kona, mai kōnui ꞌā, e uꞌi era meꞌe rahi nō atu ŋā viꞌe oho ananake ko kuā Ietū mai Karirea hāꞌūꞌū ki a ia.

Māteo 5:47

ꞌE mo ꞌaroha o kōrua ki te kōrua taina mau nō, ¿he aha ia te meꞌe nui-nui o kōrua i aŋa? ꞌĀtā te nuꞌu taꞌe ꞌite ko ai te ꞌAtua parautiꞌa, paꞌi, e meꞌe rō ꞌana pē ira.

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

Rōmano 16:5

E ꞌaroha takoꞌa ki te nūnaꞌa taŋata haka moe i te manaꞌu ꞌi ruŋa i a Ietū taka-taka ꞌi te hare o Pirika ararua ko ꞌĀkira. E ꞌaroha atu kōrua ki tōꞌoku repahoa ko ꞌEpeneto, he kope raꞌe i haka moe i tōꞌona manaꞌu ꞌi ruŋa i te ⌊Kiritō⌋ o ꞌĀtia taꞌatoꞌa.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

1 Tētārōnika 5:12

E te taina, he ani atu mātou: e moꞌa kōrua i te nuꞌu taꞌatoꞌa aŋa ꞌi roto i a kōrua, he nuꞌu hatu atu ꞌe he nuꞌu haka tika atu ꞌi te meꞌe o te ꞌAtua.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.