Rōmano 16:25 - Rapa Nui

²⁵ Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

Rōmano 16:25 ပူးပေါင်းရင်းမြစ်များ

Māteo 13:17

ꞌĪ a au he kī atu: meꞌe rahi perofeta ꞌe meꞌe rahi taŋata tano ki te mata o te ꞌAtua i haŋa rō mo takeꞌa i te meꞌe takeꞌa e kōrua, ꞌe ꞌina kai takeꞌa, ꞌe i haŋa rō mo ŋaroꞌa i te meꞌe ŋaroꞌa e kōrua, ꞌe ꞌina e rāua kai ŋaroꞌa.

Māteo 13:35

Pē ira i tano ai te meꞌe kī e te perofeta pē nei ē: «Hai ꞌaꞌamu haꞌaauraꞌa a au ka vānaŋa nei; e kī rō a au i te meꞌe ꞌina kai ꞌite e te taŋata mai te hora aŋa era ꞌā e te ꞌAtua i te ao».

Māteo 20:7

»He pāhono e rā nuꞌu: “ꞌIna e tahi taŋata i vaꞌai mai i a mātou hai aŋa”. »He kī e rā taŋata: “Ka oho ia kōrua ka aŋa ꞌi tōꞌoku kona vino era”.

Aŋa o te ꞌĀpōtoro 20:32

»Hora nei, e kuā taina ē, he vaꞌai a au i a kōrua ki te rima o te ꞌAtua mo hāpaꞌo, ꞌe he ani atu mo maꞌu mo oho nō kōrua i te roŋo hāpī atu era e au o ruŋa i te riva rahi o te ꞌAtua. ꞌI te roŋo nei te pūai mo ꞌata haka hio-hio i te kōrua manaꞌu ꞌi ruŋa i a Ietū ki ravaꞌa ai i te meꞌe taꞌatoꞌa hōrea e te ꞌAtua mo te nuꞌu haꞌataꞌa māꞌana.

Aŋa o te ꞌĀpōtoro 9:20

Pē ira a Sauro i haꞌamata i haka ꞌite ai ꞌi roto i te hare pure hūrio o rā kona: a Ietū he Poki o te ꞌAtua.

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 14:4

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.

Rōmano 16:24

Ka ai ꞌi ruŋa i a kōrua taꞌatoꞌa te riva rahi o te tātou Pūꞌoko Haka Tere ko Ietū Kiritō. ⌊ꞌĀmene⌋.]

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

1 Kōrinto 1:23

ꞌE a mātou ꞌina he aŋa i te ŋā meꞌe era. Te mātou meꞌe aŋa he haka ꞌite he oho o ruŋa i te Kiritō veo era ꞌi ruŋa i te tātaurō. Te meꞌe nei he parauꞌino e tahi mo te hūrio, ꞌe mo te kirieko he meꞌe maꞌa-maꞌa nō atu e tahi.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 4:1

E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

2 Kōrinto 4:3

ꞌE mo ai o te meꞌe puru i te manaꞌu ꞌo aŋi-aŋi i te auraꞌa parautiꞌa o te roŋo riva-riva haka ꞌite e mātou, mo te nuꞌu taꞌe eꞌa mau nō mai roto i te ūtuꞌa o te hara ka ai ena.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:11

Ko manaꞌu era ꞌā e te ꞌAtua mo aŋa i te meꞌe nei mai muꞌa ꞌā, mai te hora kai aŋa ꞌana i te ao, ꞌe ko aŋa ꞌana hai meꞌe i aŋa e Ietū Kiritō, he Pūꞌoko Haka Tere o tātou, hora mate era ōꞌona ꞌi ruŋa i te tātaurō.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

2 Tētārōnika 2:14

Hai hāpī haka ꞌite atu era e mātou, te ꞌAtua i aŋa ai mo haka moe mo oho nō kōrua i te manaꞌu ꞌi ruŋa i a Ietū, ki oꞌo ai kōrua ki roto i te nui-nui ōꞌona, te auraꞌa, ki ai takoꞌa ai i a kōrua tōꞌona huru riva.

2 Tētārōnika 3:3

Ka ai atu pē ira, te tātou Pūꞌoko Haka Tere ko Ietū e ko taꞌe haka tano i tāꞌana meꞌe kī, ꞌe māꞌana e haka pūai ꞌe e hāpaꞌo atu ꞌo haka hara i a kōrua e Rukifero.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

2 Timoteo 2:8

ꞌIna ko rehu i a koe te roŋo riva-riva haka ꞌite e au pē nei ē: te ꞌAtua i haka ora rō mai te mate i a Ietū Kiritō, hakaara o te ꞌariki era ko ⌊Tāvita⌋.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

1 Pētero 1:20

ꞌI te hora kai aŋa hia ꞌā i te ao, i haꞌataꞌa rō ai e te ꞌAtua i te Kiritō mo te meꞌe nei; ꞌe ꞌi te ŋā hora hopeꞌa nei, i tuꞌu mai ai mo te riva-riva o kōrua.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

Meꞌe Haka Takeꞌa 10:7

Ka puhi ena, paꞌi, te hitu merahi i tāꞌana koneta, he tano tahi te meꞌe manaꞌu era e ia mo aŋa taꞌe aŋi-aŋi e te taŋata ꞌi muꞌa ꞌā, he meꞌe kī era e ia ki te perofeta, tāvini ōꞌona».