Rōmano 16:2 - Rapa Nui

² Ki tuꞌu atu, e uꞌi kōrua e haka naho-naho i a ia ꞌo te ai takoꞌa ōꞌona ꞌa Ietū, he meꞌe mau ꞌā, paꞌi, mo aŋa e tātou e te taina haka moe i te manaꞌu ꞌi ruŋa i a Ietū. ꞌE mo hape o te meꞌe, e hāꞌūꞌū kōrua. I rahi rō, paꞌi, te nuꞌu i hāꞌūꞌū e ia, ꞌātā i hāꞌūꞌū takoꞌa rō mai i a au.

Rōmano 16:2 ပူးပေါင်းရင်းမြစ်များ

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Aŋa o te ꞌĀpōtoro 9:36

ꞌI te kona e tahi ko Hope i ai rō te viꞌe haka moe i te manaꞌu ꞌi ruŋa i a Ietū te ꞌīŋoa ko Tavitā, ꞌi te vānaŋa kirieko ko Rorokā. Te aŋa o te viꞌe nei he hāꞌūꞌū i te nuꞌu veve ꞌe i te tētahi nuꞌu.

Aŋa o te ꞌĀpōtoro 9:39

He oho a Pētero ꞌi muri. I tuꞌu era he uŋa ki roto i te piha ꞌi ira tū hakari era. Te ŋā viꞌe hove o roto he haka vari tahi i a Pētero ꞌe, e ta-taŋi nō ꞌā, he haka takeꞌa i te kahu aŋa e Rorokā mo tuhaꞌa ki te nuꞌu.

Aŋa o te ꞌĀpōtoro 9:41

He ꞌa-ꞌaru e Pētero a te rima he haka māroa. He ohu ki te nuꞌu haka moe i te manaꞌu ꞌi ruŋa i a Ietū ꞌe ki tū ŋā viꞌe hove era, he haka takeꞌa ko ora haka ꞌou ꞌā a Tavitā.

Rōmano 15:7

ꞌO ira, ꞌi roto i a kōrua, e haŋa e tahi ki te rua pa he taina, pa he haŋa iŋa o Ietū ki a kōrua, ki haꞌahana-hana tahi ai te taŋata ki te ꞌAtua.

Rōmano 16:15

E ꞌaroha takoꞌa kōrua ki a Firoroko, ki a Hūrita, ki a Nēreo ꞌe ki tōꞌona taina vahine, ki a ꞌŌrimpa ꞌe ki te taina taꞌatoꞌa haka moe i te manaꞌu ꞌi ruŋa i a Ietū o muri i a rāua.

Rōmano 16:23

ꞌE ꞌī a Kāio e ꞌaroha atu ena mo kōrua. E noho nei a au ꞌi tōꞌona hare, he kona haka rē e ia mo taka-taka o te nūnaꞌa taŋata haka moe i te manaꞌu ꞌi ruŋa i a Ietū. ꞌE ꞌī e ꞌaroha takoꞌa atu ena a Erato, he kope hāpaꞌo moni o te kona nei, ꞌe te tātou taina ko Kuarato. [

Rōmano 16:6

E ꞌaroha atu ki a ⌊Māria⌋, vaꞌai i a ia ki te aŋa mo hāꞌūꞌū atu ki a kōrua.

Rōmano 16:9

E ꞌaroha ki a ꞌUrupano, he hokorua aŋa o tātou ki te Kiritō, ꞌe ki tōꞌoku repahoa haŋa rahi ko ꞌĒtaki.

Ēfeto 5:3

E ai te kōrua noho iŋa noho iŋa tano o te nuꞌu haꞌataꞌa e te ꞌAtua māꞌana. ꞌIna kōrua ko moe i te viꞌe ꞌe i te taŋata taꞌe he kenu ꞌe he viꞌe o kōrua, ꞌina kōrua ko aŋa i te tētahi haka ꞌou atu meꞌe taꞌe tano tuꞌu pē ira ꞌe, takoꞌa, ꞌina ko nou-nou. E hāpaꞌo te kōrua noho iŋa, ꞌo manaꞌu tāꞌue te nuꞌu pē nei ē: e aŋa rō ꞌana kōrua i te ŋā meꞌe nei.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 2:29

Ka tuꞌu atu ena a ia, e toꞌo kōrua hai māhatu, pa he taina haka moe i te manaꞌu ꞌi ruŋa i a Ietū. Te nuꞌu pē ia e moꞌa e kōrua.

Kōrosa 4:10

ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

1 Timoteo 2:10

Te haka tau iŋa mau hai huru o te meꞌe riva-riva aŋa, he meꞌe tano o te ŋā viꞌe haŋa mo moꞌa ꞌe mo haꞌamuri ki te ꞌAtua.

2 Timoteo 1:18

ꞌO ira a au e pure nei mo haka ꞌaroha o te ꞌAtua i a ia ꞌi te mahana o te ture hopeꞌa. Ko ꞌite riva-riva ꞌana, hoꞌi, koe, e Timoteo ē, pē hē a ia i hāꞌūꞌū mai ai ꞌi Ēfeto.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

Firemono 1:12

Nā ko haka hoki haka ꞌou atu ꞌana e au: a ia he māhatu ōꞌoku.

Firemono 1:17

ꞌO ira, mo ai he hokorua haŋa rahi mau ꞌā tāua ꞌi te aŋa o te ꞌAtua, ka toꞌo haka ꞌou atu koe i a ia ki tuꞌu hare, pa he toꞌo iŋa ōꞌou i a au mo ai ko au nā meꞌe.

2 Iovani 1:10

ꞌE mo tuꞌu atu o te taŋata ki te kōrua hare e hāpī ꞌā o ruŋa i te ꞌAtua, ꞌe tāꞌana meꞌe hāpī taꞌe he hāpī parautiꞌa ꞌa Ietū, ꞌina ko toꞌo ki roto i tuꞌu hare ꞌe ꞌina ko ꞌaroha.