Rōmano 16:17 - Rapa Nui

¹⁷ E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

Rōmano 16:17 ပူးပေါင်းရင်းမြစ်များ

Māteo 18:17

ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Māteo 7:15

»E uꞌi kōrua e te nuꞌu reo-reo haka tuꞌu i a rāua pa he nuꞌu vānaŋa hai ꞌīŋoa o te ꞌAtua. E oho atu ena pa he māmoe, ꞌe te roto pa he paiheŋa taehae ꞌā.

Ruka 17:1

He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua!

Aŋa o te ꞌĀpōtoro 15:24

Ko ꞌite ꞌana a mātou i tuꞌu rō atu te tētahi nuꞌu mai nei, taꞌe o mātou i uŋa atu, ꞌe ko haka mira-mira ꞌā i te kōrua manaꞌu hai vānaŋa o rāua.

1 Kōrinto 11:18

Te meꞌe ꞌāꞌaku i ŋaroꞌa: e taka-taka ena a kōrua, he tātake nō te aŋa ꞌe he haka topa-topa kē-kē, ꞌe ki tōꞌoku manaꞌu e ai rō ꞌā te parautiꞌa o te vānaŋa nei.

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Fīripo 3:17

E te taina, e haka tano te kōrua noho iŋa pa he noho iŋa ōꞌoku ꞌe o te nuꞌu te rāua noho iŋa pa he noho iŋa takeꞌa e kōrua ꞌi ruŋa i a au.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

1 Timoteo 1:3

E Timoteo, ka noho nō koe ꞌi Ēfeto, pa he meꞌe ani atu era e au ki a koe ꞌi te hora oho era ōꞌoku ki Mātērōnia, mo kī ōꞌou ki tū nuꞌu kī atu era e au mo taꞌe hāpī o rāua i te meꞌe reo-reo,

2 Timoteo 3:5

E haka tuꞌu rō i a rāua pa he taŋata moꞌa ꞌe haꞌatura ki te ꞌAtua; ꞌe, hai haka tere iŋa o rāua, ka takeꞌa era ꞌina mau ꞌā he haꞌatura. ꞌIna e tahi aꞌa meꞌe mo aŋa ꞌi muri i te nuꞌu tuꞌu pē rā, e Timoteo ē.

Tito 3:10

Mo haka topa kē-kē o te kope e tahi i te nuꞌu haka moe i te manaꞌu ꞌi ruŋa i a Ietū, e ture. Ana taꞌe haka roŋo atu, e ture haka ꞌou. ꞌE mo taꞌe haka roŋo mau atu ꞌā, ka haka eꞌa mai roto i te nuꞌu ena.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

Hura 1:19

O te nuꞌu ena te haka topa-topa kē i te taŋata. Te rāua meꞌe aŋa he meꞌe pohe nō o te hakari, ꞌe ꞌina he Vārua o te ꞌAtua i a rāua.