Rōmano 16:13 - Rapa Nui

¹³ E ꞌaroha atu ki a Rufo, kope haka kē ꞌi tōꞌona aŋa iŋa ki a Ietū, ꞌe pē ira takoꞌa ꞌana ki tōꞌona matuꞌa vahine. A ia pa he matuꞌa takoꞌa ōꞌoku.

Rōmano 16:13 ပူးပေါင်းရင်းမြစ်များ

Māteo 20:16

He kī ia e Ietū: «Pē ira te haka tere iŋa ꞌāpī o te ꞌAtua ka ai ena: te nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe; ꞌe te nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa».

Marko 15:21

E maꞌu e oho nō ꞌā i a Ietū a te ara he piri te taŋata e tahi o te kona ko Tīrene te ꞌīŋoa ko Tīmona, matuꞌa tane o Arehantaro ararua ko Rufo, e hoki ꞌā mai ꞌuta. He toꞌo mai e te vaꞌehau he haka ꞌamo i te tātaurō ꞌamo e Ietū.

Marko 3:35

Te nuꞌu aŋa, paꞌi, i te meꞌe haŋa o te ꞌAtua he huaꞌai takoꞌa ōꞌoku.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 19:27

ꞌE ki tū kope hāpī era ꞌāꞌana i kī ai: «Nā tuꞌu matuꞌa vahine nā; māꞌau a ia e hāpaꞌo». ꞌE mai rā hora i hāpaꞌo ai e rā kope i te matuꞌa vahine o Ietū.

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

Rōmano 16:14

E ꞌaroha atu ki a Atinikirito, ki a Perekono, ki a ꞌĒreme, ki a Patarova, ki a ꞌĒrema, ꞌe ki te taina taꞌatoꞌa o muri i a rāua.

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

1 Timoteo 5:2

Ki te ŋā viꞌe paꞌari e moꞌa koe pa he matuꞌa vahine ōꞌou; ꞌe ki te ŋā viꞌe ꞌāpī e moꞌa ꞌe e haŋa pa he taina vahine ōꞌou.

2 Iovani 1:1

A au, te pūꞌoko haka tere o te nūnaꞌa taŋata ⌊haka moe i te manaꞌu⌋ ꞌi ruŋa i a Ietū, he ꞌaroha atu ki a koe, e te viꞌe haꞌataꞌa e te ꞌAtua māꞌana ē, ꞌe ki taꞌa ŋā poki. E haŋa rahi rō atu ꞌana a au ki a kōrua, ꞌe taꞌe nō ko au, pē ira takoꞌa ꞌana te nuꞌu ko ꞌite ꞌana i te parautiꞌa