Rōmano 16:10 - Rapa Nui

¹⁰ E ꞌaroha ki a Āpere, he kope ko haka takeꞌa mai ꞌana i te pūai o tōꞌona haka moe iŋa i te manaꞌu ꞌi ruŋa i a Ietū, ꞌe, takoꞌa, ki te huaꞌai o Aritovuro.

Rōmano 16:10 ပူးပေါင်းရင်းမြစ်များ

Rōmano 14:18

Te nuꞌu tāvini pē nei ki te ⌊Kiritō⌋ he koa te ꞌAtua, ꞌe ki te mata o te taŋata e tano rō ꞌā.

Rōmano 16:3

E ꞌaroha atu kōrua ki a Pirika ꞌe ki a ꞌĀkira; a rāua he hokorua ōꞌoku ꞌi te aŋa vaꞌai mai e Ietū Kiritō.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

2 Kōrinto 8:22

ꞌI muri i a kuā Tito i uŋa takoꞌa atu ai a au i te taina haka ꞌou e tahi. Te kope nei hai rauhuru atu meꞌe aŋa e takeꞌa ena i te rahi o tōꞌona haŋa mo hāꞌūꞌū ꞌi te aŋa o te ꞌAtua. ꞌE hora nei, ko ꞌata haŋa ꞌana a ia mo hāꞌūꞌū ꞌo te ꞌite e ko taꞌe vaꞌai kōrua hai māhatu mo te taina veve o Hērutarema.

Karatia 1:22

Te taina haka moe i te manaꞌu ꞌi ruŋa i a Ietū o Hūrea kai takeꞌa hia ꞌana i a au.

Fīripo 2:22

Ko ꞌite ꞌana, hoꞌi, kōrua pē hē te huru o Timoteo ꞌe pē hē a ia i hāꞌūꞌū i oho mai ai mo haka ꞌite i te ⌊roŋo riva-riva o te ꞌAtua⌋. E hāꞌūꞌū mai nei pa he poki mau ꞌana ꞌāꞌaku.

1 Timoteo 3:10

Te meꞌe raꞌe, e uꞌi ana ai te rāua hape, ꞌe mo ai ꞌina, he toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū.

2 Timoteo 4:19

Ka ꞌaroha ki a Pirika ararua ko ꞌĀkira, pē ira ꞌā ki a ꞌOnetiforo ꞌe ki tōꞌona huaꞌai.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.