Rōmano 15:8 - Rapa Nui

⁸ ꞌIna ko rehu i a kōrua: a Ietū i oho mai ai mo tāvini ki te ⌊hūrio⌋, mo tano o te hōrea vaꞌai era ki te mātou tupuna ꞌi muꞌa ꞌā, ꞌe mo haka takeꞌa: te ꞌAtua e haka tano rō ꞌana i tāꞌana hōrea.

Rōmano 15:8 ပူးပေါင်းရင်းမြစ်များ

Māteo 15:24

He kī e Ietū: —I uŋa mai ai i a au e te ꞌAtua ki te itaraera mau nō. A rāua pa he māmoe ꞌā ko ŋaro ꞌana.

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Iovani 1:11

Ki te ao aŋa era e ia i oho mai ai, ꞌe kai tapa atu e te rahi raꞌa o tōꞌona taŋata.

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Aŋa o te ꞌĀpōtoro 13:46

A Pauro ꞌe a Verenāvē, ꞌina he riꞌa-riꞌa, he pāhono: «Te vānaŋa o te ꞌAtua ꞌi raꞌe a māua ana haka ꞌite atu ki a kōrua ki te hūrio. I taꞌe haŋa ena e kōrua ki tāꞌana vānaŋa, e takeꞌa ena: a kōrua he nuꞌu ꞌina he tano mo te ora ꞌāpī ꞌina he hopeꞌa raꞌa vaꞌai e te ꞌAtua. ꞌO ira, hora nei he oho a māua ki te nuꞌu taꞌe he hūrio.

Rōmano 11:22

Te ꞌAtua e haka takeꞌa rō ꞌana i tōꞌona riva ꞌe i tōꞌona riri. Ki te nuꞌu hūrio hārui i a ia hai tuaꞌivi i haka takeꞌa ai i tōꞌona riri, ꞌe ki a kōrua ki te nuꞌu taꞌe he hūrio i haka takeꞌa ai i tōꞌona riva. Te meꞌe nō, e uꞌi e noho kōrua ꞌi roto i tōꞌona riva rahi, ꞌo paꞌo takoꞌa rō i a kōrua mai ruŋa i rā tumu.

Rōmano 11:30

ꞌI muꞌa ꞌā, ꞌina a kōrua he haꞌatura ki te ꞌAtua, ꞌe, hora nei ꞌi ruŋa i a kōrua te riva rahi ōꞌona, he taꞌe haꞌatura o te hūrio ki a ia.

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 10:19

Mo ai pē ira, ¿ko tū meꞌe ꞌana hō mo te nuꞌu kai i te kai tūtia ki te ꞌītoro? ꞌIna. Te ꞌītoro, paꞌi, ꞌe te kai tūtia ki a ia ꞌina e tahi ōꞌona hauhaꞌa.

1 Kōrinto 10:29

E kī atu ena a au i te meꞌe nei taꞌe o ruŋa i te manaꞌu o kōrua kī atu he aha te meꞌe tano ꞌo taꞌe tano mo aŋa, o ruŋa i te manaꞌu o tētahi a au e kī atu ena. E kī rō pēaha te kope e tahi: «¿He aha a au ana taꞌe aŋa i te meꞌe e haꞌatiꞌa rō ꞌana mo aŋa ꞌo te ai nō mo te rua he hara, ꞌi te taꞌe aŋi-aŋi riva-riva i te meꞌe o te ꞌAtua?».

1 Kōrinto 15:50

Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate.

2 Kōrinto 1:20

hai ia, paꞌi, e haka tano tahi ena e te ꞌAtua i tāꞌana meꞌe hōrea. ꞌO ira, ꞌi te hora haꞌahana-hana o tātou ki te ꞌAtua e kī nei: «⌊ꞌĀmene⌋».

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.