Rōmano 15:6 - Rapa Nui

⁶ mo haꞌahana-hana tahi o kōrua i te ꞌAtua, he Matuꞌa o te tātou Pūꞌoko Haka Tere ko Ietū Kiritō hai manaꞌu mau nō e tahi.

Rōmano 15:6 ပူးပေါင်းရင်းမြစ်များ

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Aŋa o te ꞌĀpōtoro 4:24

I oti era rā nuꞌu i te haka roŋo, he pure ananake ko kuā Pētero ki te ꞌAtua pē nei ē: «E te ꞌAtua ē, ꞌāꞌau i aŋa i te raŋi, i te henua, i te vaikava, ꞌe i te meꞌe taꞌatoꞌa o rā ŋā kona,

Aŋa o te ꞌĀpōtoro 4:32

Te nuꞌu taꞌatoꞌa haka moe i te manaꞌu ꞌi ruŋa i a Ietū, pē tū huru tahi ꞌana te manaꞌu. ꞌIna e tahi o rāua he kī: tōꞌona meꞌe ai, mōꞌona nō; mo te taꞌatoꞌa e kī era.

2 Kōrinto 1:3

Ki haꞌahana-hana tātou ki te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia he Matuꞌa haka ꞌaroha i a tātou, ꞌe he ꞌAtua haka koa ꞌe haka pūai mai.

2 Kōrinto 11:31

Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

Ēfeto 1:17

He ani nō tāꞌaku aŋa ki te ꞌAtua o te tātou Pūꞌoko Haka Tere ko Ietū Kiritō, ki te tātou Matuꞌa o te raŋi, i a ia te pūai ꞌe te nui-nui taꞌatoꞌa, mo vaꞌai atu, hai Vārua Maitai, i te mārama-rama mo aŋi-aŋi e kōrua i te parautiꞌa o ruŋa ōꞌona, ki māhani riva-riva ai kōrua ki a ia.

Ēfeto 1:3

Ki haꞌahana-hana tātou ki te ꞌAtua, he Matuꞌa o te tātou Pūꞌoko Haka Tere ko Ietū Kiritō, ꞌi te meꞌe era ko haꞌamaitai mai ꞌana i a tātou hai vaꞌai mai i te meꞌe riva-riva ai ꞌi ruŋa i te raŋi mo hāꞌūꞌū mai ꞌi te tātou haꞌere iŋa a tōꞌona ara ꞌo te ai o tātou ꞌa Ietū Kiritō.

Kōrosa 1:3

E pure nei a mātou, te nuꞌu taina o nei, mo kōrua, e māuru-uru rō ꞌana ki te ꞌAtua, Matuꞌa o te tātou Pūꞌoko Haka Tere ko Ietū Kiritō.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

Meꞌe Haka Takeꞌa 1:6

Ko haka riro ꞌana i a tātou he nūnaꞌa taŋata haka tere ꞌāꞌana, ꞌe he ⌊oromatuꞌa⌋ aŋa ki te ꞌAtua, he Matuꞌa ōꞌona. ¡Ka ai i a ia te haꞌahana-hana o te taꞌatoꞌa ꞌe te pūai mo haka tere i te ao taꞌatoꞌa ꞌātā ki te hopeꞌa raꞌa! ⌊ꞌĀmene⌋.