Rōmano 15:3 - Rapa Nui

³ A Ietū, paꞌi, ꞌina kai aŋa i te meꞌe mo tōꞌona koa mau nō. ꞌI ruŋa i a ia i haka tano ai te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: «Te vānaŋa taꞌe tano kī era mōꞌou, ꞌi ruŋa i a au i topa mai ai».

Rōmano 15:3 ပူးပေါင်းရင်းမြစ်များ

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 26:39

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Māteo 27:44

ꞌE, takoꞌa, i vā-vā rō i a Ietū e tū ŋā toke-toke veo era ꞌi tupuꞌaki ōꞌona.

Iovani 15:10

Mo haꞌatura o kōrua ki tāꞌaku roŋo, e ko kore tōꞌoku haŋa mo kōrua, pa he taꞌe kore iŋa ena ꞌā o te haŋa o tōꞌoku Matuꞌa ki a au ꞌo te haꞌatura ōꞌoku ki tāꞌana roŋo.

Iovani 15:24

ꞌE, ꞌāhani i taꞌe aŋa e au i te mana kai aŋa ꞌā e te rua kope, e ko ai te rāua hape ꞌo te hārui mai i a au hai tuaꞌivi. A rāua ko takeꞌa ꞌana i tōꞌoku aŋa iŋa i te ŋā meꞌe nei ꞌe, ka ai atu pē ira, ko te maꞌu iŋa ꞌā i te riri mōꞌoku ꞌe mo tōꞌoku Matuꞌa.

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Iovani 5:30

»E ko tano a au mo aŋa e tahi meꞌe hai manaꞌu nō ōꞌoku. E ture nei au hai meꞌe kī mai e te Matuꞌa, ꞌe tōꞌoku ture iŋa e tano rō ꞌā ꞌo te ai taꞌe hai meꞌe haŋa ꞌāꞌaku e ture nei, hai meꞌe haŋa o te kope uŋa mai i a au.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 8:29

Ararua māua ko te kope uŋa mai i a au; ꞌina a ia he haka rē i a au hoko tahi nō ꞌo te ai te meꞌe aŋa mau nō ꞌāꞌaku he meꞌe haŋa ꞌāꞌana.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Fīripo 2:5

E tuꞌu te kōrua manaꞌu pa he manaꞌu iŋa o Ietū

Fīripo 2:8

te meꞌe i aŋa he haꞌatura ki te ꞌAtua ꞌātā ki te roa he haꞌatiꞌa i a ia mo mate, ꞌe ꞌātā mo mate ꞌi ruŋa i te tātaurō, he ūtuꞌa mo te nuꞌu taparahi-taꞌata.