Rōmano 15:28 - Rapa Nui

²⁸ Ki vaꞌai ki oti a au i tū meꞌe vaꞌai mai era e rā nuꞌu, he oho au ki Paniora ꞌe, ꞌi tōꞌoku ara ki ira, ka hipa atu ena a au ki a kōrua ꞌi Roma.

Rōmano 15:28 ပူးပေါင်းရင်းမြစ်များ

Māteo 27:66

He oho ia ananake ki tū kona era, he tāpaꞌo i te māꞌea puru o rā kona mo ꞌite ana haka makenu, ꞌe he haka ꞌauario ki te vaꞌehau.

Iovani 3:33

Te taŋata haka roŋo ki a ia he ꞌite: he aŋi mau ꞌana te vānaŋa o te ꞌAtua.

Aŋa o te ꞌĀpōtoro 19:21

I oti era te ŋā meꞌe nei, he manaꞌu a Pauro mo oho ki Mātērōnia ꞌe ki Ākāia, ꞌe mai ira ki Hērutarema. He kī: «Ki tuꞌu a au ki Hērutarema he oho a au ki Roma».

Rōmano 15:24

ko manaꞌu ꞌana a au mo hipa atu ꞌi tōꞌoku ara ka oho nei ki Paniora. Ki tuꞌu atu a au ꞌe ki koa tātou, ka ai atu mahana taꞌe rahi, he oho haka ꞌou a au ꞌi tōꞌoku ara hai hāꞌūꞌū o kōrua.

Fīripo 4:17

Te meꞌe nei e au e kī atu ena taꞌe ꞌō he haŋa ōꞌoku mo hāꞌūꞌū mai; tōꞌoku haŋa mo ꞌata haꞌamaitai atu e te ꞌAtua ꞌo te hāꞌūꞌū mai o kōrua i a au.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.