Rōmano 15:27 - Rapa Nui

²⁷ Te meꞌe nei i aŋa ai hai manaꞌu o rāua, ka ai atu he meꞌe mau ꞌana mo aŋa e rāua. Pa he haka ꞌite iŋa era ꞌā e te hūrio o ruŋa i te rāua hauhaꞌa, he roŋo riva-riva o te ꞌAtua, ki te nuꞌu taꞌe he hūrio, pē ira takoꞌa ꞌana te nuꞌu taꞌe hūrio ana hāꞌūꞌū ꞌi te hora nei hai hauhaꞌa o rāua o te ao nei mo te hūrio haka moe i te manaꞌu ꞌi ruŋa i a Ietū.

Rōmano 15:27 ပူးပေါင်းရင်းမြစ်များ

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 7:14

A tātou e ꞌite rō ꞌana: te haka tere iŋa ꞌa Mōtē meꞌe riva-riva, he meꞌe vaꞌai e te Vārua o te ꞌAtua. ꞌE a au pa he taŋata ꞌina ōꞌoku pūai ꞌi muꞌa o te hara. E tuꞌu rō ꞌana a au pa he ꞌekaravo o te hara.

1 Kōrinto 9:11

A mātou ko ꞌoka ꞌana i te meꞌe o te ⌊Vārua Maitai⌋ ꞌi roto i te kōrua māhatu. ꞌE ki te kōrua kī, ¿e ko tano a mātou mo no-noꞌi atu e tahi meꞌe ki a kōrua?

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

Firemono 1:19

Hai rima mau ꞌana ōꞌoku o Pauro e pāpaꞌi atu ena: māꞌaku mau ꞌā e ꞌauhau atu. Ka ai atu pē ira, ꞌina ko rehu i a koe e ai rō ꞌana tuꞌu tārahu mōꞌoku: hai au, paꞌi, i ravaꞌa ai e koe i te ora ꞌāpī ꞌina he hopeꞌa raꞌa vaꞌai e te ꞌAtua.