Rōmano 15:26 - Rapa Nui

²⁶ Ko haka taka-taka ꞌana, paꞌi, e te taina o Mātērōnia ꞌe o Ākāia i te moni mo haka maꞌu mo te taina veve o Hērutarema.

Rōmano 15:26 ပူးပေါင်းရင်းမြစ်များ

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 26:11

Te nuꞌu veve e ko ŋaro mai muri i a kōrua ki te hora hopeꞌa, ꞌe a au e ko noho e ko oho nō atu ꞌi muri i a kōrua.

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Aŋa o te ꞌĀpōtoro 16:12

Mai ira i oho ai ki Fīripo, he kona hōnui o te rōmano ꞌi Mātērōnia. Mahana taꞌe rahi te mātou mahana noho ꞌi ira.

Aŋa o te ꞌĀpōtoro 16:9

ꞌE ꞌi te pō e tahi i takeꞌa ai e Pauro i te meꞌe i haka takeꞌa e te ꞌAtua: he taŋata o te kona ko Mātērōnia e māroa rō ꞌana ꞌai ka ani ki a ia: «Ka oho mai koe ki Mātērōnia ka hāꞌūꞌū mai ki a mātou».

Aŋa o te ꞌĀpōtoro 18:12

ꞌI te hora ko Karione te suerekao o Ākāia, he ꞌa-ꞌaru i a Pauro e te nuꞌu hūrio taꞌe haka moe i te manaꞌu ꞌi ruŋa i a Ietū ꞌe he maꞌu ki te hare ture pa he meꞌe haꞌaꞌau e rāua.

Aŋa o te ꞌĀpōtoro 19:21

I oti era te ŋā meꞌe nei, he manaꞌu a Pauro mo oho ki Mātērōnia ꞌe ki Ākāia, ꞌe mai ira ki Hērutarema. He kī: «Ki tuꞌu a au ki Hērutarema he oho a au ki Roma».

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

1 Kōrinto 16:5

ꞌI tōꞌoku ara ki a kōrua ꞌi Kōrinto ꞌi raꞌe a au ka vari nei ki Mātērōnia, ꞌe ki oti ka tuꞌu iho atu ena a au ki a kōrua.

2 Kōrinto 11:9

ꞌE, ꞌi rā hora era ōꞌoku ꞌi muri i a kōrua, e hape era tāꞌaku meꞌe, ꞌina a au he no-noꞌi atu. O te taina tuꞌu mai mai Mātērōnia i hāꞌūꞌū mai. A au, paꞌi, e uꞌi rō ꞌana ꞌo riro a au he meꞌe paŋahaꞌa e tahi mo kōrua, ꞌe pē ira a au e aŋa e oho nei ꞌi te kona taꞌatoꞌa o Ākāia. ꞌO ira, ꞌina e tahi kope o rā ŋā kona mo kī i tōꞌoku reo-reo ana teꞌo-teꞌo a au o ruŋa i te taꞌe no-noꞌi i te moni mo haka ꞌite i te roŋo riva-riva o te ꞌAtua. ꞌE tāꞌaku vānaŋa nei e kī atu ena pa he parautiꞌa ena ꞌā o tāꞌaku vānaŋa taꞌatoꞌa kī atu o ruŋa i te Kiritō.

2 Kōrinto 2:13

ꞌE, ꞌi te taꞌe takeꞌa e au i te tātou taina era ko Tito, kai riva-riva a au mo noho ꞌi ira. He haka rē ia a au i te nuꞌu taina o ira ꞌe he eꞌa he oho rō ꞌai a au ki Mātērōnia.

2 Kōrinto 7:5

I tuꞌu era a mātou ki Mātērōnia, ꞌina a mātou he ravaꞌa mo haka ora ꞌi te haka tātake nō mai e te nuꞌu taꞌe haŋa mai, ꞌe ꞌi te ŋaroꞌa i te riꞌa-riꞌa ꞌi roto i a mātou.

2 Kōrinto 9:12

Te maꞌu i te hāꞌūꞌū nei ki te ŋā taina era o ira taꞌe nō e maꞌu ꞌā i te meꞌe hape o rāua, e aŋa takoꞌa ꞌā i te meꞌe mo ꞌata māuru-uru o rāua ki te ꞌAtua.

2 Kōrinto 9:2

Ko ꞌite riva-riva ꞌana, paꞌi, e au e haŋa rō ꞌana a kōrua mo hāꞌūꞌū. ꞌE tāꞌaku aŋa he ꞌaꞌamu nō hai koa ki te nuꞌu o Mātērōnia pē nei ē: mai tū matahiti oti era ꞌā, a kōrua, te nuꞌu o Ākāia, e haŋa rō ꞌana mo hāꞌūꞌū. ꞌE te rahi raꞌa o te nuꞌu o ira ko haŋa takoꞌa ꞌā mo hāꞌūꞌū i te aŋa nei, he ꞌite i te rahi o te haŋa o kōrua mo hāꞌūꞌū.

2 Kōrinto 9:4

ꞌo oho tāꞌue atu te nuꞌu o Mātērōnia ꞌi muri i a au he takeꞌa kai taka-taka ꞌā i a kōrua, ꞌe he haꞌamā a au. ꞌE, ¡¿mo aha atu ꞌā ana kī atu pē hē kōrua ka haꞌamā takoꞌa ena?! E ꞌaꞌamu rō ꞌana, paꞌi, mātou: a kōrua e haka tano tahi rō ꞌana i te kōrua meꞌe kī.

Fīripo 4:15

Ko ꞌite ꞌana a kōrua, e te taina o Fīripo ē, hora oho era ōꞌoku mai Mātērōnia mo haka ꞌite mo oho i te roŋo riva-riva o ruŋa i a Ietū, hora e haka moe iho ꞌana kōrua i te manaꞌu ꞌi ruŋa i a ia, ko kōrua mau nō te nuꞌu i hāꞌūꞌū mai hai moni.

1 Tētārōnika 1:7

Pē ira te kōrua noho iŋa i ai ai he meꞌe mo aŋi-aŋi pē hē te noho iŋa tano ki te mata o te ꞌAtua mo te nuꞌu taꞌatoꞌa haka moe i te manaꞌu ꞌi ruŋa i a Ietū o te ŋā kona era o Mātērōnia ꞌe o Ākāia.

1 Tētārōnika 1:8

Hai kōrua te roŋo riva-riva o ruŋa i a Ietū Kiritō i ꞌite i oho ai a te kona taꞌatoꞌa o Mātērōnia ꞌe o Ākāia, ꞌe taꞌe nō a te ŋā kona nei, a te kona taꞌatoꞌa. Te nuꞌu o te ŋā kona nei e ꞌite rō ꞌana pē nei ē: e haka moe rō ꞌana kōrua i te manaꞌu ꞌi ruŋa i te ꞌAtua. ¿Mo aha ia a mātou ana vānaŋa haka ꞌou o ruŋa i a kōrua ki a rāua? Taꞌe he parau ꞌāpī mo te nuꞌu era.

1 Tētārōnika 4:10

ꞌE he aŋi mau ꞌā e haŋa rō ꞌana a kōrua ki te taina taꞌatoꞌa o te ŋā kona taꞌatoꞌa ena o Mātērōnia. Ka ai atu pē ira, e te taina ē, ꞌī mātou he ani atu pē nei ē: e ꞌata haŋa e oho kōrua ki te taꞌatoꞌa.

1 Timoteo 1:3

E Timoteo, ka noho nō koe ꞌi Ēfeto, pa he meꞌe ani atu era e au ki a koe ꞌi te hora oho era ōꞌoku ki Mātērōnia, mo kī ōꞌou ki tū nuꞌu kī atu era e au mo taꞌe hāpī o rāua i te meꞌe reo-reo,

Firemono 1:5

Ko ŋaroꞌa ꞌana, paꞌi, e au o ruŋa i tuꞌu haka moe iŋa i te manaꞌu ꞌi ruŋa i a Ietū, ꞌe o ruŋa i te rahi o tuꞌu haŋa ki te nuꞌu taꞌatoꞌa haꞌataꞌa e te ꞌAtua māꞌana.