Rōmano 15:19 - Rapa Nui

¹⁹ ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

Rōmano 15:19 ပူးပေါင်းရင်းမြစ်များ

Māteo 12:28

ꞌE mo haka eꞌa ōꞌoku i te tātane mai roto i te taŋata hai pūai o te ⌊Vārua Maitai⌋, ko tuꞌu mai ꞌana ia te ⌊haka tere iŋa ꞌāpī o te ꞌAtua⌋ ki a kōrua.

Iovani 4:48

He kī a Ietū: —A kōrua, mo taꞌe takeꞌa i te mana, e ko haka moe i te manaꞌu ꞌi ruŋa i te ꞌAtua.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 13:14

Mai Perehē i hipa ai a kuā Pauro ki Antiokia, he kona e tahi o Pitiria. ꞌI ira, ꞌi te ⌊mahana haka ora⌋, he uru ki roto i te hare pure hūrio he no-noho.

Aŋa o te ꞌĀpōtoro 13:51

He tū-tū ia a kuā Pauro i te puŋaꞌehu mai te rāua vaꞌe mo haka ꞌite ki rā nuꞌu: ka haka ūtuꞌa era i a rāua e te ꞌAtua, i a rāua ꞌana, ꞌe he eꞌa ararua he oho ki Īkōnio.

Aŋa o te ꞌĀpōtoro 14:10

He kī pūai e Pauro: «¡Ka eꞌa koe ka māroa tī-tika!». I rere a ruŋa tū taŋata era i māroa ai, ꞌe he haꞌamata he haꞌere.

Aŋa o te ꞌĀpōtoro 14:20

I taka-taka era ꞌi tōꞌona kao-kao te nuꞌu haka moe i te manaꞌu ꞌi ruŋa i a Ietū, he eꞌa a Pauro ki ruŋa he hoki ki Rītara ꞌe, ꞌi te rua mahana, he oho ararua ko Verenāvē ki Reve.

Aŋa o te ꞌĀpōtoro 14:25

ꞌI ira, ꞌi te kona ko Perehē i haka ꞌite ai i te roŋo riva-riva o te ꞌAtua. I oti era he oho ki ꞌĀtāria, he kona takoꞌa o Panafiria.

Aŋa o te ꞌĀpōtoro 14:6

I ꞌite era ararua, he tē-tere mai Īkōnio ki Rītara ꞌe ki Reve, he kona takoꞌa o Rīkāōnia, ꞌe ki te tētahi kona hāhine.

Aŋa o te ꞌĀpōtoro 15:12

He haka kiva-kiva ia ananake ꞌe he haka roŋo ki a Pauro ararua ko Verenāvē e vānaŋa era o ruŋa o te mana aŋa e rāua ki te nuꞌu taꞌe he hūrio hai pūai vaꞌai e te ꞌAtua.

Aŋa o te ꞌĀpōtoro 16:18

Meꞌe rahi mahana e ohu-ohu era ꞌātā ka ꞌeꞌete rō te manava o Pauro. He teka ia he kī ki te tātane o roto o tū poki era: «¡Hai ꞌīŋoa o Ietū Kiritō he kī atu au: ka eꞌa koe mai roto i te poki ena!». ꞌI tū hora mau era ꞌā he eꞌa tū tātane era mai roto.

Aŋa o te ꞌĀpōtoro 17:10

I pō era, he haka oho e te nuꞌu taina o Tētārōnika i a Pauro ararua ko Tira ki Vērea. I tuꞌu era he oho tī-tika ki te hare pure hūrio.

Aŋa o te ꞌĀpōtoro 17:15

Te taina reva ꞌi muri i a Pauro ꞌātā ki te kona ko ꞌĀtena i tuꞌu ai. Mai ira i hoki ai ki Vērea e maꞌu ꞌā i te roŋo ki a Tira ararua ko Timoteo mo horo-horou mo oho mo piri ki a Pauro ꞌi ꞌĀtena.

Aŋa o te ꞌĀpōtoro 18:1

I oti era he eꞌa a Pauro mai ꞌĀtena he oho ki Kōrinto.

Aŋa o te ꞌĀpōtoro 18:19

I tuꞌu era ki Ēfeto ꞌi tū ara era ki Tīria, he haka rē e Pauro i a Pirisira ararua ko ꞌĀkira ꞌi ira. ꞌE, ꞌi raꞌe ki tōꞌona reva haka ꞌou, he oho he vānaŋa ananake ko te nuꞌu hūrio ꞌi roto i te rāua hare pure.

Aŋa o te ꞌĀpōtoro 19:1

ꞌI te hora o ꞌĀporo ꞌi Kōrinto ꞌā, he kona o Ākāia, ꞌai a Pauro e oho era a te kona maꞌuŋa ꞌātā ka tuꞌu rō ki Ēfeto. ꞌI ira i piri ai ki te tētahi nuꞌu ⌊haka moe i te manaꞌu⌋ ꞌi ruŋa i te ꞌAtua.

Aŋa o te ꞌĀpōtoro 20:20

ꞌE i haka ꞌite tahi rō atu a au i te meꞌe mo te kōrua riva-riva; ꞌina kai naꞌa e tahi meꞌe. E hāpī atu era ꞌi muꞌa i te taŋata taꞌatoꞌa ꞌe ꞌi te kōrua hare.

Aŋa o te ꞌĀpōtoro 20:6

A māua, ki oti te ⌊ŋoŋoro kai i te haraoa ꞌina he revaura⌋, i oho iho ai mai Fīripo ꞌi ruŋa i te pahī ꞌe, ꞌi te rima mahana, i piri tahi ai a mātou ꞌi Toroare. ꞌI ira i noho ai a mātou e hitu mahana.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 15:24

ko manaꞌu ꞌana a au mo hipa atu ꞌi tōꞌoku ara ka oho nei ki Paniora. Ki tuꞌu atu a au ꞌe ki koa tātou, ka ai atu mahana taꞌe rahi, he oho haka ꞌou a au ꞌi tōꞌoku ara hai hāꞌūꞌū o kōrua.

1 Kōrinto 2:4

E vānaŋa atu era a au o ruŋa i te roŋo o te ꞌAtua, taꞌe hai vānaŋa mārama-rama e haka ꞌite atu era; o te ⌊Vārua Maitai⌋ te haka ꞌite atu he parautiꞌa rā vānaŋa era ꞌāꞌaku,

2 Kōrinto 12:12

Te meꞌe tāpaꞌo i te taŋata pa he ꞌāpōtoro parautiꞌa, pa he aŋa i te mana ꞌe he tētahi atu meꞌe mo māere e te taŋata aŋa hai pūai o te ꞌAtua, i aŋa tahi rō a au ꞌi roto i a kōrua hai haꞌaoromaꞌi.

Karatia 3:5

Ka haka topa rā te kōrua manaꞌu he aha te ꞌAtua e vaꞌai atu ena i te Vārua Maitai ꞌe e aŋa ena i te mana ꞌi roto i a kōrua. ꞌO te haka moe o kōrua i te manaꞌu ꞌi ruŋa i a Ietū ꞌe ꞌi ruŋa i tāꞌana roŋo, taꞌe ꞌō ꞌo te haꞌatura ki te haka tere iŋa ꞌa Mōtē.

Kōrosa 1:25

Ko haka riro ꞌana, paꞌi, a au i a au he tāvini o te nuꞌu nei ꞌi te hora vaꞌai mai e te ꞌAtua i te aŋa he haka ꞌite tahi i tāꞌana roŋo ki a kōrua ki te nuꞌu taꞌe hūrio.

1 Tētārōnika 1:5

I haka ꞌite atu era, paꞌi, mātou i te ⌊roŋo riva-riva o ruŋa i a Ietū Kiritō⌋, he haka moe rō ꞌai kōrua i te manaꞌu ꞌi ruŋa i a ia, ꞌe taꞌe nō ꞌo te ŋaroꞌa e kōrua i te mātou vānaŋa, ꞌo te takeꞌa takoꞌa, hai meꞌe aŋa e mātou hai pūai o te ⌊Vārua Maitai⌋, te pūai o te ꞌAtua ꞌi ruŋa i a mātou, ꞌe ꞌo te ꞌite e kōrua: mo mātou te meꞌe vānaŋa atu era he parautiꞌa mau ꞌā, he takeꞌa e kōrua pē hē mātou e noho era ꞌi roto i a kōrua mo hāꞌūꞌū atu.

2 Timoteo 4:17

ꞌĀꞌana mau nō i hāꞌūꞌū mai ꞌe i vaꞌai mai i te pūai mo haka ꞌite ōꞌoku i te roŋo riva-riva o ruŋa o Ietū Kiritō, ꞌe, takoꞌa, mo haka roŋo tahi mai o te nuꞌu taꞌe he hūrio. Pē ira te ꞌAtua i toꞌo ai i a au mai roto i te haha o te reone,

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.