Rōmano 15:18 - Rapa Nui

¹⁸ Ka ai atu pē ira, tāꞌaku meꞌe nō mo ꞌaꞌamu atu he meꞌe i aŋa e te ⌊Kiritō⌋ mo haꞌatura o te nuꞌu taꞌe he hūrio ki te ꞌAtua hai meꞌe kī ꞌe aŋa e au,

Rōmano 15:18 ပူးပေါင်းရင်းမြစ်များ

Māteo 25:16

»Te kope era i a ia te pae taꞌutini he haka aŋa i rā moni ꞌe he ravaꞌa e pae taꞌutini haka ꞌou.

Marko 16:20

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Aŋa o te ꞌĀpōtoro 15:12

He haka kiva-kiva ia ananake ꞌe he haka roŋo ki a Pauro ararua ko Verenāvē e vānaŋa era o ruŋa o te mana aŋa e rāua ki te nuꞌu taꞌe he hūrio hai pūai vaꞌai e te ꞌAtua.

Aŋa o te ꞌĀpōtoro 15:4

I tuꞌu era a Pauro ararua ko Verenāvē ki Hērutarema, he koa te nūnaꞌa taŋata haka moe i te manaꞌu ꞌi ruŋa i a Ietū, pē ira ꞌana te rāua nuꞌu pūꞌoko haka tere ꞌe te ꞌāpōtoro. He ꞌaꞌamu e kuā Pauro i te meꞌe taꞌatoꞌa aŋa e te ꞌAtua hai rāua ki te nuꞌu taꞌe he hūrio.

Aŋa o te ꞌĀpōtoro 21:19

I piri era a mātou ki rā nuꞌu, he ꞌaroha e Pauro, ꞌe he ꞌaꞌamu i te meꞌe taꞌatoꞌa aŋa e te ꞌAtua hai ia ki te nuꞌu taꞌe he hūrio.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

2 Kōrinto 11:31

Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

2 Kōrinto 12:6

ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 3:5

E ko tano mātou mo kī: hai mārama-rama mau ꞌā o mātou e aŋa nei; ko ꞌite riva-riva ꞌana, paꞌi, e mātou: o te ꞌAtua te vaꞌai mai i te mārama-rama mo aŋa i nei aŋa.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 2:8

O te ꞌAtua uŋa era i a Pētero pa he ⌊ꞌāpōtoro⌋ ki te ⌊hūrio⌋, i uŋa takoꞌa i a au pa he ꞌāpōtoro ki te nuꞌu taꞌe he hūrio.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.

2 Tētārōnika 2:17

e haka pūai atu i te māhatu ꞌe e vaꞌai atu i te pūai mo aŋa ꞌe mo kī mo oho i te meꞌe riva-riva mau nō.

ꞌEvereo 11:8

He haka moe o ⌊ꞌAparahama⌋ i te manaꞌu ꞌi ruŋa i te ꞌAtua i haꞌatura ai, ꞌe i eꞌa i oho ai mai tōꞌona kāiŋa hora kī era e te ꞌAtua mo oho ki te henua vaꞌai mo rāua, ka ai atu ꞌina kai ꞌite hia ki hē a ia ka oho era.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

Tanatiako 1:22

ꞌE taꞌe nō e haka roŋo i rā roŋo; e aŋa takoꞌa i te meꞌe era e kī atu era. Mo taꞌe aŋa pē ira, e reo-reo ꞌana kōrua ki a kōrua ꞌā.

1 Iovani 3:18

E te ŋā poki ꞌāꞌaku ē, ꞌina ko ai te tātou haŋa ki te rua hai haha nō; te tātou haŋa e haka takeꞌa hai meꞌe riva-riva aŋa e tātou.

Hura 1:9

Ka manaꞌu rā: hora tātake era o Mihaera, he merahi ra-rahi o te ꞌAtua, ararua ko Rukifero o ruŋa i te hakari o ⌊Mōtē⌋, ꞌina a Mihaera kai kī i te vānaŋa rake-rake mo Rukifero; i kī nō: «¡Mo te ꞌAtua koe e ture atu!».