Rōmano 14:9 - Rapa Nui

⁹ Mo ira a Ietū i mate ai ꞌe i ora haka ꞌou ai: mo Pūꞌoko Haka Tere o tātou taꞌatoꞌa, ka ai atu nuꞌu mate ꞌo nuꞌu ora.

Rōmano 14:9 ပူးပေါင်းရင်းမြစ်များ

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Ruka 24:26

¿Taꞌe ꞌō ꞌi raꞌe te ŋā meꞌe taꞌatoꞌa ena ana topa ki a ia, ꞌe ꞌai ka vaꞌai iho e te ꞌAtua i te tōroꞌa he Pūꞌoko Haka Tere o te meꞌe taꞌatoꞌa?

Iovani 12:24

ꞌĪ a au he kī atu: te karu tariko mo taꞌe tanu ꞌi roto i te ꞌōꞌone, ꞌina e ko tupu, he topa he karu mau nō e tahi. ꞌE mo tanu ꞌi roto i te ꞌōꞌone, he tupu, ꞌe he rahi mai te kai.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Aŋa o te ꞌĀpōtoro 10:42

ꞌE ko uŋa mai ꞌā i a mātou mo haka ꞌite ki te taŋata ko vaꞌai ꞌā e te ꞌAtua i te parau ki a ia mo ture ki te nuꞌu ora ꞌe ki te nuꞌu mate.

Rōmano 10:9

Mo kī ōꞌou ꞌi muꞌa i te taŋata: a Ietū he Pūꞌoko Haka Tere ōꞌou, ꞌe mo manaꞌu ōꞌou hai māhatu: te ꞌAtua i haka ora rō i a Ietū mai te mate, he eꞌa ia koe mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

2 Kōrinto 5:14

Te meꞌe haka tere, paꞌi, i a mātou he haŋa o te Kiritō mo tātou mo te taŋata mai te hora aŋi-aŋi: he kope mau nō e tahi te meꞌe i mate mo te taꞌatoꞌa ꞌe e tuꞌu rō ꞌā pa he meꞌe ena ē: taꞌatoꞌa nō i mate ai.

1 Tētārōnika 4:14

Pa he meꞌe ꞌite e tātou: a Ietū i mate rō ꞌe i ora haka ꞌou rō mai, pē ira takoꞌa a tātou e ꞌite nei: te ꞌAtua e haka ora rō i te nuꞌu mate haka moe i te manaꞌu ꞌi ruŋa i a Ietū, ꞌe e hokorua rō rāua i a Ietū.

1 Tētārōnika 5:10

A ia i mate ai mo tātou, mo noho o tātou ꞌi muri i a ia, ka ai atu ꞌi te hora era o tōꞌona hoki iŋa mai e ora rō ꞌā ꞌo e mate rō ꞌā a tātou.

2 Timoteo 4:1

ꞌI muꞌa o te ꞌAtua ꞌe o Ietū Kiritō, kope ka oho mai ena pa he ꞌAriki nui-nui mo haka ūtuꞌa i te nuꞌu ora ꞌe i te nuꞌu mate, ka kī atu ena a au:

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 4:5

Ka ai atu pē ira, pe muꞌa ka oho ena, ka taꞌe haŋa atu e rāua, e kī tahi nō i te rāua meꞌe i aŋa ki te kope māꞌana e ture i te nuꞌu ora ꞌe i te nuꞌu mate.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 2:8

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o ꞌĒtēmīrina: “Pē nei te kī o te kope he Raꞌe ꞌe he Hopeꞌa, he kope i mate rō ꞌe i ora haka ꞌou rō: