Rōmano 14:22 - Rapa Nui

²² ꞌE te meꞌe manaꞌu e koe o ruŋa i te meꞌe haꞌatiꞌa ꞌe taꞌe haꞌatiꞌa e te ꞌAtua ko koe ꞌe ko ia mau nō te meꞌe mo ꞌite. ¡Ko te koa ꞌō i te kope aŋa i te meꞌe manaꞌu e ia he meꞌe tano, ꞌe ꞌi roto i te māhatu ꞌina he meꞌe kī ko hape ꞌana ꞌō a ia!

Rōmano 14:22 ပူးပေါင်းရင်းမြစ်များ

Aŋa o te ꞌĀpōtoro 24:16

ꞌI te manaꞌu ōꞌoku pē ira, e uꞌi nei a au, paurō te mahana, mo tano o tōꞌoku noho iŋa ki te mata o te ꞌAtua ꞌe ꞌi muꞌa o te taŋata.

Rōmano 14:14

Ko ꞌite riva-riva ꞌana a au, pa he taŋata haka moe i te manaꞌu ꞌi ruŋa i a Ietū, taꞌatoꞌa meꞌe ai mo kai e haꞌatiꞌa rō ꞌana e te ꞌAtua mo kai. Ka ai atu pē ira, mo manaꞌu e tahi kope e ai rō ꞌana te meꞌe taꞌe haꞌatiꞌa mo kai, mōꞌona ia he meꞌe taꞌe haꞌatiꞌa mau ꞌā.

Rōmano 14:2

He haꞌaauraꞌa nei e tahi: e ai rō ꞌana te nuꞌu manaꞌu ꞌina he ꞌati mo kai taꞌatoꞌa meꞌe ena mo kai. ꞌE e ai takoꞌa rō ꞌana te nuꞌu manaꞌu ꞌina ko kai i te kiko, he taꞌe aŋi-aŋi riva-riva o ruŋa i te meꞌe o te ꞌAtua.

Rōmano 14:23

ꞌE te kope taꞌe aŋi-aŋi riva-riva hoki e tano rō ꞌana ꞌo e taꞌe tano rō ꞌana te kai ōꞌona e tahi meꞌe, ka kai era, e hara ꞌana, he taꞌe maꞌu ꞌi roto i a ia he parautiꞌa mau ꞌā he meꞌe tano ki te ꞌAtua. Taꞌatoꞌa nō meꞌe, paꞌi, mo aŋa e tāua ꞌina kai ꞌite riva-riva hia ꞌā hoki he meꞌe tano ki te mata o te ꞌAtua ꞌo ꞌina, e hara ꞌana.

Rōmano 14:5

He haꞌaauraꞌa haka ꞌou nei e tahi: e ai rō ꞌana te nuꞌu manaꞌu e ai rō ꞌana te mahana ꞌata hau rō atu i te hauhaꞌa ki te tētahi mahana mo haꞌamuri ki te ꞌAtua, ꞌe e ai rō ꞌana te nuꞌu manaꞌu: taꞌatoꞌa mahana pē tū hauhaꞌa tahi ꞌā. Te meꞌe nō, e ꞌite riva-riva e te taꞌatoꞌa he aha mau te rāua meꞌe manaꞌu.

Rōmano 2:1

ꞌO ira ꞌina he ꞌōtohe toe mōꞌou, e te kope tuhi i te hape o te rua ē, ka ai nō atu ko ai koe. Mo tuhi ōꞌou i te hape o te tētahi, e tuhi takoꞌa ꞌana koe i tuꞌu hape; te meꞌe aŋa, paꞌi, e rā nuꞌu, e aŋa takoꞌa rō ꞌana e koe.

Rōmano 7:15

E tano rō ꞌā te mahana e māere rō ꞌana a au i tāꞌaku meꞌe aŋa. ꞌIna, paꞌi, a au he aŋa i tāꞌaku meꞌe riva-riva haŋa mo aŋa. He meꞌe hopeꞌa o tōꞌoku taꞌe haŋa tāꞌaku meꞌe aŋa.

Rōmano 7:24

¡Ko te ꞌati ꞌō i a au! ¿Mā ꞌai au e haka eꞌa mai roto i te rima o te huru hara maꞌu i a au ki te mate?

1 Kōrinto 8:7

Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

Karatia 6:1

E te taina, mo takeꞌa e kōrua e tahi taina ⌊haka moe i te manaꞌu⌋ ꞌi ruŋa i a Ietū e hara ꞌā, e hāꞌūꞌū e kōrua e te nuꞌu ko te haka tere iŋa ꞌā e te ⌊Vārua Maitai⌋, mo hoki haka ꞌou ōꞌona a te ara tī-tika. ꞌE ana hāꞌūꞌū, hai haŋa ꞌe hai haumārū. E uꞌi ꞌo haka hara rō atu i a kōrua.

Tanatiako 3:13

Mo ai ꞌi roto o kōrua te kope manaꞌu ko ꞌite ꞌā he aha te meꞌe tī-tika mo aŋa ꞌi te hora taꞌatoꞌa, e haka takeꞌa hai meꞌe riva-riva aŋa ꞌe hai taꞌe manaꞌu e hau rō atu a ia ki te rua, he huru o te nuꞌu haka tere i a rāua hai manaꞌu o te ꞌAtua.

1 Iovani 3:21

E te taina, mo taꞌe haka ꞌite mai o te tātou māhatu e hape rō ꞌā a tātou, ꞌina ia he meꞌe mo haꞌamā o tātou ꞌi muꞌa i te ꞌAtua,