Rōmano 14:18 - Rapa Nui

¹⁸ Te nuꞌu tāvini pē nei ki te ⌊Kiritō⌋ he koa te ꞌAtua, ꞌe ki te mata o te taŋata e tano rō ꞌā.

Rōmano 14:18 ပူးပေါင်းရင်းမြစ်များ

Marko 13:34

Te hoki iŋa mai ōꞌona ka ai ena pa he hoki iŋa ki tōꞌona hare o te kope oho ki te rua henua. »Te kope nei, ꞌi raꞌe ki tōꞌona oho, he haka hāpaꞌo i tōꞌona hare ki te nuꞌu tāvini ꞌe ki rā nuꞌu i kī ai i te rāua meꞌe mo aŋa. Ki te kope ko ia te ꞌauario o te ꞌōpani i kī ai: “E uꞌi koe ꞌo haꞌuru rō”.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Aŋa o te ꞌĀpōtoro 10:35

Te taŋata o te henua taꞌatoꞌa haꞌamuri ki a ia ꞌe aŋa i te meꞌe riva-riva e tano rō ꞌā ki tōꞌona mata.

Rōmano 12:11

ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

Rōmano 14:4

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

1 Kōrinto 7:22

Te kope, paꞌi, he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei, ko eꞌa ꞌana mai te pūai o te hara mo tāvini takoꞌa ki a Ietū, Pūꞌoko Haka Tere o tātou. ꞌE te kope taꞌe he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei pa he ꞌekaravo o te ⌊Kiritō⌋.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

2 Kōrinto 5:11

He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.

2 Kōrinto 5:9

ꞌO ira, te meꞌe haŋa o mātou he aŋa i te meꞌe haŋa e te ꞌAtua, ka ai atu ꞌi te ao nei ꞌo taꞌe ꞌi te ao nei.

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

2 Kōrinto 8:21

Te meꞌe haŋa o mātou he aŋa riva-riva i te aŋa nei ki te mata o te ꞌAtua, ꞌe pē ira takoꞌa ꞌana ki te mata o te taŋata.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

Kōrosa 3:24

A Ietū, paꞌi, he Pūꞌoko Haka Tere parautiꞌa o tātou o te nuꞌu taꞌatoꞌa haka moe i te manaꞌu ꞌi ruŋa i a Ietū, ꞌe ki a ia tātou e tāvini nei. ꞌE ko ꞌite ꞌā e tātou: pe muꞌa ka oho ena te ꞌAtua e vaꞌai rō mai i te meꞌe i hōrea e ia mo tāꞌana nuꞌu,

1 Timoteo 2:3

Te meꞌe nei he meꞌe riva-riva ꞌe he meꞌe haŋa o te ꞌAtua, kope toꞌo i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Timoteo 5:4

ꞌE mo ai tāꞌue te poki ꞌe te makupuna mo hāpaꞌo i rā hove, ko rāua te meꞌe raꞌe mo hāꞌūꞌū i a ia. Pē ira he haka hoki ki rā matuꞌa te haŋa vaꞌai era e ia ki a rāua. He meꞌe nei te meꞌe haŋa o te ꞌAtua.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 2:20

Te ꞌamo ꞌe te haꞌaoromaꞌi i te ūtuꞌa ꞌo te aŋa i te meꞌe taꞌe tano, ꞌina e tahi hauhaꞌa. ꞌE mo ꞌamo ꞌe mo haꞌaoromaꞌi hai pūai i te ūtuꞌa ꞌo te aŋa i te meꞌe tī-tika, he koa te ꞌAtua.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.