Rōmano 14:15 - Rapa Nui

¹⁵ Te kī: mo taꞌe au rō o te manaꞌu o tuꞌu taina hai meꞌe kai e koe, taꞌe ia koe hai haŋa e haka tere ena. ¡ꞌIna ko ai hai meꞌe kai e koe tuꞌu taina ana taꞌe haka moe haka ꞌou i tōꞌona manaꞌu ꞌi ruŋa i a Ietū mate era mōꞌona!

Rōmano 14:15 ပူးပေါင်းရင်းမြစ်များ

Rōmano 13:10

Te kope haŋa ki te rua e ko aŋa i te meꞌe taꞌe tano ki rā kope. Te meꞌe taꞌatoꞌa kī, paꞌi, o ruŋa i te roŋo o te ꞌAtua e tano tahi ena hai haŋa ki te rua.

Rōmano 14:20

ꞌIna ko ai o ruŋa i te kai ana haka mira-mira koe i te aŋa o te ꞌAtua ꞌi roto i te māhatu o tuꞌu taina. Te parautiꞌa mau, ꞌina he kai taꞌe haꞌatiꞌa e te ꞌAtua mo kai. Te meꞌe taꞌe tano nō: hai kai ōꞌou i te meꞌe manaꞌu e tuꞌu taina he meꞌe taꞌe haꞌatiꞌa e te ꞌAtua, he ꞌaka-ꞌaka tōꞌona manaꞌu ꞌi ruŋa i a Ietū.

Rōmano 15:2

Ki aŋa tahi tātou i te meꞌe hai haŋa mo haka koa ꞌe mo hāꞌūꞌū i te taina, ꞌe mo ꞌata ꞌite o tātou taꞌatoꞌa o ruŋa i te meꞌe o te ꞌAtua.

1 Kōrinto 13:1

Mo vānaŋa ōꞌoku rauhuru ꞌarero o te ao nei, ꞌe ꞌātā i te ꞌarero vānaŋa e te merahi, ꞌe ꞌina o roto i a au te haŋa mo te rua, te meꞌe nō era ꞌāꞌaku mo kī he pōŋeha nō atu e tahi pa he pahu e tiŋi-tiŋi ꞌā.

1 Kōrinto 8:1

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

2 Pētero 2:1

I ai rō te perofeta reo-reo ꞌi roto i te itaraera. Pē ira takoꞌa ꞌana ka ai ena te maꞌori reo-reo ꞌi roto i a kōrua. ꞌĒ-ē, e oꞌo rō atu ki roto i a kōrua, mā te taꞌe ꞌite e kōrua, ꞌe e hāpī e oho rō i te hāpī taꞌe parautiꞌa maꞌu i te taina mo haka tapa mai te ara parautiꞌa o te ꞌAtua. ꞌE te ŋā maꞌori reo-reo nei ꞌātā e hārui rō hai tuaꞌivi i te tātou Pūꞌoko Haka Tere ko Ietū Kiritō, kope ꞌauhau hai toto era ōꞌona mo haka eꞌa i a tātou mai roto i te hara. ꞌE, ꞌi te aŋa pē ira, e ko roa hia ka ravaꞌa ena e rāua i te ūtuꞌa o te ꞌAtua.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.