Rōmano 14:13 - Rapa Nui

¹³ ꞌO ira, ꞌina ko kī haka ꞌou e hape rō ꞌā te rua. Te meꞌe nō, e uꞌi kōrua ꞌo haka ꞌaka-ꞌaka i te manaꞌu o te kōrua taina o ruŋa i a Ietū, ꞌo uŋa i a rāua ki roto i te hara hai meꞌe aŋa e kōrua.

Rōmano 14:13 ပူးပေါင်းရင်းမြစ်များ

Māteo 16:23

He rori e Ietū he kī ki a Pētero: —¡Ka haka tapa koe mai muri i a au! ¡E haka ꞌaka-ꞌaka ꞌā koe i tōꞌoku manaꞌu pē Rukifero ꞌā! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata.

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Māteo 7:1

»Ka haka rē te kōrua kī i te hape o te rua, ꞌo kī atu e te ꞌAtua i te kōrua hape. Taꞌe, paꞌi, i a kōrua te parau mo ture.

Ruka 12:57

»¿He aha a kōrua e taꞌe uꞌi ena koiꞌite i hau ꞌi te tano mo haka riva-riva i a kōrua ki te ꞌAtua mai ai ꞌā te hora?

Ruka 17:2

Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki roto i te vaikava.

Rōmano 11:9

I pāpaꞌi takoꞌa rō e te ꞌariki era ko ⌊Tāvita⌋ pē nei ē: «Ka riro te rāua ŋoŋoro he meꞌe mo ꞌa-ꞌaru mo puru i a rāua, pa he kūpeŋa ika, ki ravaꞌa ai mo haka ūtuꞌa hai ūtuꞌa tano mo rāua.

Rōmano 14:10

¿He aha ia koe e kī ena e hape rō ꞌā tuꞌu taina? ꞌE ¿he aha koe e haka taꞌe au ena ki a ia? Taꞌatoꞌa nō tātou ka māroa ena ꞌi muꞌa o te ꞌAtua, ꞌe he kī mai he aha te tātou meꞌe tano ꞌe taꞌe tano i aŋa.

Rōmano 14:3

Te nuꞌu kai i te meꞌe taꞌatoꞌa ꞌina ko taꞌe haka au mo te nuꞌu e ai rō ꞌana te rāua meꞌe taꞌe kai. ꞌE te nuꞌu nei ꞌina ko taꞌe haka au mo te nuꞌu kai i te meꞌe taꞌatoꞌa; pē tū haŋa iŋa ꞌana, paꞌi, te ꞌAtua ki a rāua taꞌatoꞌa.

Rōmano 14:4

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

1 Kōrinto 11:13

E te taina, mo haka topa riva-riva i te manaꞌu he ꞌite e kōrua pē nei ē: e ko tano te ŋā viꞌe mo pure ki te ꞌAtua ꞌina he puꞌa i te rāua pūꞌoko.

2 Kōrinto 5:14

Te meꞌe haka tere, paꞌi, i a mātou he haŋa o te Kiritō mo tātou mo te taŋata mai te hora aŋi-aŋi: he kope mau nō e tahi te meꞌe i mate mo te taꞌatoꞌa ꞌe e tuꞌu rō ꞌā pa he meꞌe ena ē: taꞌatoꞌa nō i mate ai.

2 Kōrinto 6:3

A mātou e hāpaꞌo rō ꞌā i te mātou meꞌe aŋa, ꞌo aŋa i te meꞌe taꞌe tano haka ꞌaka-ꞌaka i te manaꞌu o te taŋata ꞌo ⌊haka moe i te manaꞌu⌋ ꞌi ruŋa i a Ietū, ꞌe ꞌo tuhi tāꞌue mai i te taꞌe tano o te mātou aŋa.

Fīripo 1:10

ki aŋa ki oho ai kōrua i te meꞌe riva-riva mau nō. Pē ira he tano te kōrua noho iŋa ki te mata o te ꞌAtua, ꞌe he oho mau rō ꞌai kōrua pē ira ꞌina e tahi hape ꞌātā ki te hoki iŋa mai o Ietū.

1 Timoteo 5:14

ꞌO ira a au e haŋa nei ki te ŋā viꞌe ꞌāpī hove mo hāipo-ipo, mo ai o te ŋā poki ꞌe mo ai he ŋā viꞌe maꞌu riva-riva i te rāua hare ꞌe i te rāua huaꞌai, ꞌo ai te meꞌe taꞌe tano mo kī o ruŋa i a rāua e te nuꞌu taꞌe haŋa ki te ꞌAtua.

Tanatiako 2:4

Mo aŋa o kōrua pē ira, e haꞌataꞌa ꞌā i te taŋata ꞌe e uꞌi ꞌana hai manaꞌu taꞌe tano.

Tanatiako 4:11

E te taina, ꞌina ko vānaŋa ꞌino mo te rua. Te kope vānaŋa ꞌino mo te rua e vānaŋa ꞌino takoꞌa ꞌā mo te haka tere iŋa o te ꞌAtua. Pē nei te auraꞌa: te kope vānaŋa ꞌino mo te rua e haꞌariro ꞌā i a ia he pūꞌoko haka tere o te hare ture mo kī i te hape ꞌe i te taꞌe hape o te tētahi ꞌe, takoꞌa, o te haka tere iŋa o te ꞌAtua haka ꞌite mai pē nei ē: e haŋa tātou ki te rua. ꞌE ꞌi te vānaŋa ꞌino e takeꞌa ena: kope taꞌe haꞌatura ki te haka tere iŋa o te ꞌAtua.

1 Iovani 2:10

Te kope haŋa hai māhatu ki tōꞌona taina, ꞌi roto i te māꞌeha e noho ena, ꞌe ꞌina e tahi meꞌe haka hara i a ia.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.