Rōmano 14:1 - Rapa Nui

¹ E toꞌo hai māhatu ki roto i a kōrua te nuꞌu ꞌina he pūai rahi te rāua haka moe iŋa i te manaꞌu ꞌi ruŋa i a Ietū. E uꞌi ꞌo haka tātake e kōrua.

Rōmano 14:1 ပူးပေါင်းရင်းမြစ်များ

Māteo 12:20

E ko riri ki te nuꞌu taꞌe haka moe rahi i te manaꞌu ꞌi ruŋa i a ia, ꞌe e ko riri ki te nuꞌu ꞌaka-ꞌaka o te manaꞌu. E aŋa e oho nō ꞌātā ka haka tano tahi rō i te meꞌe haŋa ꞌāꞌaku.

Māteo 14:31

ꞌI tū hora ꞌā he ꞌa-ꞌaru e Ietū a te rima he kī: —¿Pē nā te haka moe iŋa ōꞌou i te manaꞌu ꞌi ruŋa i a au? ¿He aha rā koe i ꞌaka-ꞌaka ai?

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Marko 7:19

ꞌIna, paꞌi, he kai he oꞌo ki roto ki te māhatu; ki roto ki te kōpū e oꞌo ena ꞌe mai roto e eꞌa ena». Hai vānaŋa nei i haka ꞌite ai e Ietū: taꞌatoꞌa nō huru o te kai e tano nō mo kai e te taŋata.

Ruka 17:2

Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki roto i te vaikava.

Iovani 13:20

ꞌĪ a au he kī atu: Te kope here ꞌi roto i tōꞌona māhatu i te kope uŋa e au e here takoꞌa ꞌana i a au ꞌi roto i tōꞌona māhatu, ꞌe te kope here i a au ꞌi roto i tōꞌona māhatu e here takoꞌa ꞌana i te kope uŋa mai i a au».

Aŋa o te ꞌĀpōtoro 28:2

I hāꞌūꞌū rō mai te nuꞌu o ira. ꞌI te hoa o te ꞌua ꞌe ꞌi te takeꞌo, he haka hū e rā nuꞌu i te ahi ꞌe he kī mai mo haka hāhine mo haka mahana.

Rōmano 11:15

Mo ai ia hai hārui o te ꞌAtua i te nuꞌu hūrio hai tuaꞌivi e ai ena te rāveꞌa mo haka riva-riva i te taŋata taꞌatoꞌa ki a ia, ¡ka manaꞌu atu kōrua pē hē ka ai ena ꞌi te hora haka tano e te ꞌAtua i a rāua ki tōꞌona mata! ¡Ka ai ena pa he nuꞌu mate ko ora haka ꞌou ꞌā mai te mate!

Rōmano 14:2

He haꞌaauraꞌa nei e tahi: e ai rō ꞌana te nuꞌu manaꞌu ꞌina he ꞌati mo kai taꞌatoꞌa meꞌe ena mo kai. ꞌE e ai takoꞌa rō ꞌana te nuꞌu manaꞌu ꞌina ko kai i te kiko, he taꞌe aŋi-aŋi riva-riva o ruŋa i te meꞌe o te ꞌAtua.

Rōmano 14:21

I hau rō atu i te tano mo taꞌe aŋa ōꞌou i te meꞌe manaꞌu e te rua he meꞌe taꞌe haꞌatiꞌa e te ꞌAtua, pa he kai i te kiko ꞌe pa he unu i te ꞌava, ꞌo hara tuꞌu taina.

Rōmano 14:3

Te nuꞌu kai i te meꞌe taꞌatoꞌa ꞌina ko taꞌe haka au mo te nuꞌu e ai rō ꞌana te rāua meꞌe taꞌe kai. ꞌE te nuꞌu nei ꞌina ko taꞌe haka au mo te nuꞌu kai i te meꞌe taꞌatoꞌa; pē tū haŋa iŋa ꞌana, paꞌi, te ꞌAtua ki a rāua taꞌatoꞌa.

Rōmano 15:1

A tātou, te nuꞌu ꞌite riva-riva i te meꞌe o ruŋa i te ꞌAtua, e haꞌaoromaꞌi te taꞌe aŋa o te tātou taina i te meꞌe manaꞌu e rāua he meꞌe taꞌe haꞌatiꞌa e te ꞌAtua. ꞌIna ko aŋa i te meꞌe mo koa o tātou nō.

Rōmano 15:7

ꞌO ira, ꞌi roto i a kōrua, e haŋa e tahi ki te rua pa he taina, pa he haŋa iŋa o Ietū ki a kōrua, ki haꞌahana-hana tahi ai te taŋata ki te ꞌAtua.

Rōmano 4:19

Ka ai atu ko hāhine ꞌā te hoꞌe hānere matahiti o ꞌAparahama ꞌe tāꞌana viꞌe ko ⌊Tara⌋ he paꞌa, kai ꞌaka-ꞌaka te manaꞌu.

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Fīripo 2:29

Ka tuꞌu atu ena a ia, e toꞌo kōrua hai māhatu, pa he taina haka moe i te manaꞌu ꞌi ruŋa i a Ietū. Te nuꞌu pē ia e moꞌa e kōrua.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

ꞌEvereo 5:14

ꞌE te nuꞌu paꞌari e tano rō ꞌā mo ŋau-ŋau i te kai paka-paka. Pē ira te nuꞌu manaꞌu paꞌari mo te meꞌe o te ꞌAtua e tano rō ꞌana mo aŋi-aŋi i te hāpī ꞌata hōhonu o te ꞌAtua o ruŋa i te meꞌe tano ꞌe i te meꞌe taꞌe tano mo aŋa ꞌo te ai hai rā meꞌe e haka tere ena i a rāua.

2 Iovani 1:10

ꞌE mo tuꞌu atu o te taŋata ki te kōrua hare e hāpī ꞌā o ruŋa i te ꞌAtua, ꞌe tāꞌana meꞌe hāpī taꞌe he hāpī parautiꞌa ꞌa Ietū, ꞌina ko toꞌo ki roto i tuꞌu hare ꞌe ꞌina ko ꞌaroha.