Rōmano 13:5 - Rapa Nui

⁵ ꞌO ira, e haꞌatura ki te nuꞌu pūꞌoko haka tere henua, taꞌe nō ꞌō he riꞌa-riꞌa ꞌo haka ūtuꞌa atu, ꞌo te ai he meꞌe kī mau atu ꞌā e tuꞌu manaꞌu riva-riva mo aŋa.

Rōmano 13:5 ပူးပေါင်းရင်းမြစ်များ

Aŋa o te ꞌĀpōtoro 24:16

ꞌI te manaꞌu ōꞌoku pē ira, e uꞌi nei a au, paurō te mahana, mo tano o tōꞌoku noho iŋa ki te mata o te ꞌAtua ꞌe ꞌi muꞌa o te taŋata.

Rōmano 13:6

ꞌO ira takoꞌa a kōrua e ꞌauhau ena i te moni haka ꞌauhau atu e te nuꞌu pūꞌoko haka tere henua. A rāua, paꞌi, e haka tere ena i te henua e aŋa ꞌana ki te ꞌAtua.

ꞌEvereo 13:18

E te taina, e pure kōrua mo mātou. E ꞌite riva-riva rō ꞌana a mātou ꞌina e tahi mātou meꞌe taꞌe tano i aŋa ꞌo te ai te meꞌe haŋa nō o mātou mo aŋa he meꞌe riva-riva.

1 Pētero 2:19

Te ꞌAtua, paꞌi, e haꞌamaitai rō ꞌana i te kope ꞌamo ꞌe haꞌaoromaꞌi hai pūai i te ūtuꞌa taꞌe tano topa ꞌi ruŋa i a ia ꞌi te haŋa mo aŋa i te meꞌe tī-tika ki te mata o te ꞌAtua.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.