Rōmano 13:2 - Rapa Nui

² Te nuꞌu taꞌe haꞌatura ki te rāua pūꞌoko haka tere henua e taꞌe haꞌatura ꞌana ki te meꞌe haŋa e te ꞌAtua. He haka ūtuꞌa te nuꞌu era.

Rōmano 13:2 ပူးပေါင်းရင်းမြစ်များ

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Marko 12:40

He toꞌo nō te aŋa i te hauhaꞌa o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

Ruka 20:47

He hiko nō te aŋa i te hare o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

Rōmano 13:1

E haꞌatura kōrua taꞌatoꞌa ki te nuꞌu ko rāua te pūꞌoko haka tere henua. Taꞌe i ai tahaŋa nō i a rāua te aŋa era; o te ꞌAtua i haŋa ꞌe i haꞌatiꞌa mo topa pē ira.

Rōmano 13:3

Te nuꞌu aŋa i te meꞌe tano ꞌina he riꞌa-riꞌa ꞌi te nuꞌu pūꞌoko haka tere henua. He nuꞌu aŋa i te meꞌe taꞌe tano te nuꞌu riꞌa-riꞌa. ¿E haŋa rō ꞌana koe mo taꞌe riꞌa-riꞌa ꞌi te nuꞌu pūꞌoko haka tere henua? ꞌIna ia ko aŋa i te meꞌe taꞌe tano. Pē ira he tano koe ki te rāua mata.

Rōmano 13:5

ꞌO ira, e haꞌatura ki te nuꞌu pūꞌoko haka tere henua, taꞌe nō ꞌō he riꞌa-riꞌa ꞌo haka ūtuꞌa atu, ꞌo te ai he meꞌe kī mau atu ꞌā e tuꞌu manaꞌu riva-riva mo aŋa.

Rōmano 9:19

Mo ai pē ira, ¿he aha ia te ꞌAtua e riri ena ꞌi te hape o te taŋata? ꞌIna, paꞌi, e tahi kope mo huri i te meꞌe haŋa o te ꞌAtua.

Tito 3:1

E Tito, e haka manaꞌu ki te taina: ꞌina ko rehu i a rāua mo haꞌatura ki te nuꞌu pūꞌoko haka tere henua ꞌe ki te nuꞌu ra-rahi, ꞌe mo riro o rāua he nuꞌu ko rito era ꞌā mo aŋa i te meꞌe riva-riva,

Tanatiako 3:1

E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.

1 Pētero 2:13

Pa he moꞌa iŋa i te tātou Pūꞌoko Haka Tere ko Ietū Kiritō ana haꞌatura kōrua i te nuꞌu ra-rahi taꞌatoꞌa. E haꞌatura kōrua ki te ꞌariki rōmano, i a ia te tōroꞌa hopeꞌa o te nui-nui,