Rōmano 13:14 - Rapa Nui

¹⁴ Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Rōmano 13:14 ပူးပေါင်းရင်းမြစ်များ

Karatia 3:27

ꞌE e tuꞌu rō ꞌā pa he meꞌe ena ē: a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū ⌊papatito⌋ i a rāua mo takeꞌa e te nuꞌu ꞌa Ietū a rāua, ko uru tahi ꞌana i te ⌊Kiritō⌋, pa he uru iŋa ena ꞌā o te taŋata i te kahu.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 4:24

Te meꞌe mo takeꞌa ꞌi ruŋa i a kōrua he huru ꞌe he noho iŋa ꞌāpī tano ki te huru ꞌāpī vaꞌai atu e te ꞌAtua, pa he huru mau era ꞌā ōꞌona. Te noho iŋa nei he noho iŋa tī-tika, tano ki te mata o te ꞌAtua, ꞌina e tahi hape.

Kōrosa 2:23

Ki te manaꞌu taŋata, nei roŋo roŋo mārama-rama ꞌo te hāpī pē nei ē: mo koa o te ꞌAtua e aŋa meꞌe rahi meꞌe aŋarahi mo aŋa, mo haka takeꞌa i tuꞌu haŋa ki a ia, e ko manaꞌu, ki te hora hopeꞌa, i hau rō atu koe ki te rua, ꞌe e tōtōā koe i tuꞌu hakari. Ka ai atu pē ira, te ŋā meꞌe nei ꞌina he hāꞌūꞌū ki te taŋata mo haka noho i te meꞌe taꞌe tano pohe e te hakari.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.