Rōmano 13:13 - Rapa Nui

¹³ E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 13:13 ပူးပေါင်းရင်းမြစ်များ

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Ruka 16:19

»E ai rō ꞌā e tahi taŋata ꞌono; e uru era hai kahu hopeꞌa o te riva-riva. Paurō te mahana e aŋa era i te ŋoŋoro nui-nui.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Aŋa o te ꞌĀpōtoro 2:15

Kai taꞌero te nuꞌu nei, pa he meꞌe manaꞌu e kōrua; hora iva iho o te pōꞌā nei.

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

Karatia 5:19

Te meꞌe aŋa e te nuꞌu haka tere i a rāua hai manaꞌu ki te meꞌe pohe nō e te hakari ko te meꞌe nei: he moe o te viꞌe ꞌe o te taŋata i te kope taꞌe he kenu ꞌo he viꞌe ꞌāꞌana ꞌe tētahi haka ꞌou atu meꞌe taꞌe tano tuꞌu pē ira, ꞌe he aŋa i te meꞌe hano-hano taꞌe tano ki te hakari.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Ēfeto 5:15

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

Ēfeto 5:18

ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua.

Ēfeto 5:8

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

1 Tētārōnika 4:12

Mo haka tere o kōrua i a kōrua hai ŋā meꞌe nei, he moꞌa atu te nuꞌu taꞌe haka moe i te manaꞌu ꞌi ruŋa i a Ietū ꞌi te takeꞌa i te kōrua noho iŋa tano, ꞌe ꞌina ia e ko ai kōrua pa he meꞌe paŋahaꞌa mo ꞌamo e te rua, he taꞌe hape o te kōrua meꞌe.

1 Tētārōnika 5:17

ꞌe e pure kōrua.

Tanatiako 4:5

Taꞌe i hāꞌaki tahaŋa nō ꞌi ruŋa i te ⌊Pāpaꞌi Moꞌa⌋: «Te ⌊Vārua Maitai⌋ uŋa mai e te ꞌAtua ki roto i te tātou māhatu e haŋa rō ꞌana mo ai o tātou o te ꞌAtua mau nō».

1 Iovani 2:6

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.

2 Iovani 1:4

Ko koa riva-riva ꞌana a au ꞌo te ꞌite pē nei ē: e ai rō ꞌana te tētahi nuꞌu o roto i a kōrua e tano rō ꞌana te noho iŋa ki te hāpī parautiꞌa o te ꞌAtua, pa he meꞌe kī mai e ia.

Hura 1:23

ꞌE ki te tētahi e uꞌi e haka eꞌa mai roto i te ūtuꞌa o te pōꞌauahi. E haka ꞌaroha kōrua i te nuꞌu hara, ꞌe e uꞌi kōrua e te hara era o rāua pa he ꞌōꞌone haka pea-pea i te kahu, ꞌo pea-pea takoꞌa rō kōrua.