Rōmano 13:12 - Rapa Nui

¹² Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 13:12 ပူးပေါင်းရင်းမြစ်များ

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

1 Kōrinto 10:11

Te meꞌe taꞌatoꞌa topa era ki te tupuna e toꞌo pa he hāpī mo tātou. ꞌE te ŋā meꞌe nei ko pāpaꞌi ꞌana ꞌi ruŋa i te Pāpaꞌi Moꞌa mo ꞌite o te nuꞌu noho o te hora nei hāhine ki te paꞌo iŋa o te ao: te ꞌAtua e haka ūtuꞌa rō i te nuꞌu aŋa i te meꞌe tuꞌu pē nei.

1 Kōrinto 7:29

E te taina, tāꞌaku meꞌe haŋa mo kī atu: hora taꞌe rahi te hora toe o tātou mo aŋa ki te ꞌAtua. ꞌO ira, te nuꞌu hāipo-ipo e haka topa te hora mo aŋa ki te ꞌAtua, ka ai atu he nuꞌu hāipo-ipo a rāua.

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

2 Kōrinto 6:7

hai hāpī i te roŋo parautiꞌa, ꞌe hai pūai o te ꞌAtua ꞌi roto i a mātou. Te noho iŋa tano nei o mātou ki te mata o ꞌAtua, ꞌi te hora taꞌatoꞌa, pa he meꞌe e rua maꞌu e te vaꞌehau ꞌi te rima ꞌi te hora o te tamaꞌi, e tahi o rā meꞌe mo moto ꞌe te rua mo puru i a ia ꞌo pū.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 5:11

ꞌIna ko aŋa i te meꞌe taꞌe hauhaꞌa aŋa e te nuꞌu noho o roto i te pōhāhā. Te meꞌe o kōrua mo aŋa he hāꞌūꞌū ki a rāua mo aŋi-aŋi pē nei ē: te meꞌe aŋa o rāua meꞌe taꞌe tano.

Ēfeto 5:8

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

Tanatiako 5:8

Pē ira takoꞌa ꞌana kōrua, e ꞌite mo tiaki ki tōꞌona tuꞌu iŋa mai e haka hio-hio rō ꞌana i te manaꞌu ꞌi ruŋa i a ia. E ko roa, paꞌi, ka tuꞌu haka ꞌou rō mai ena te tātou Pūꞌoko Haka Tere.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia

2 Pētero 3:9

Taꞌe he ŋeꞌi o te ꞌAtua e taꞌe topa ena te meꞌe kī e ia, pa he meꞌe manaꞌu e te tētahi nuꞌu. Te parautiꞌa, e tiaki ꞌana ki a kōrua hai haumārū ꞌi te meꞌe era ꞌina he haŋa mo mate e tahi nuꞌu. Tāꞌana meꞌe haŋa he huri o te manaꞌu o te taŋata taꞌatoꞌa ki a ia.

1 Iovani 2:18

E ŋā poki ē, ko te hora hopeꞌa era nei. Ko ŋaroꞌa ꞌana e kōrua nā e oho mai ena te kiritō reo-reo. ꞌE ꞌi te hora nei, ko ꞌata rahi mai ꞌana. Pē ira a tātou e ꞌite nei ko te hora hopeꞌa era nei.

Meꞌe Haka Takeꞌa 1:3

Te ꞌAtua he haꞌamaitai i te kope nō era mo taiꞌo i te puka nei ki te taina ⌊haka moe i te manaꞌu⌋ ꞌi ruŋa i a Ietū, ꞌe he haꞌamaitai takoꞌa i te taina taꞌatoꞌa haka roŋo ꞌe haꞌatura ki te meꞌe hāꞌaki o ruŋa nei; nā, paꞌi, ko hāhine ꞌā te hora mo topa o rā ŋā meꞌe.

Meꞌe Haka Takeꞌa 22:10

ꞌE he kī takoꞌa mai: «ꞌIna koe ko naꞌa i te vānaŋa haka ꞌite atu o ruŋa i te meꞌe mo topa pe muꞌa ka oho ena. Ko hāhine ꞌana, paꞌi, te hora mo haka tano tahi.