Rōmano 12:9 - Rapa Nui

⁹ E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

Rōmano 12:9 ပူးပေါင်းရင်းမြစ်များ

Māteo 26:49

He haka hāhine a Hura ki a Ietū he ꞌui: —¿Pē hē koe, e te Maꞌori ē? ꞌE he hoŋi a te ꞌāriŋa.

Iovani 12:6

I kī ai i te meꞌe nei e Hura taꞌe ꞌo te haka ꞌaroha ꞌi te veve, he toke-toke. ꞌĀꞌana, paꞌi, te hāpaꞌo i te rāua pūtē moni, ꞌe he toke nō te aŋa.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

2 Kōrinto 6:6

E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

2 Kōrinto 8:8

Taꞌe a au e kī atu ena i te meꞌe nei pa he meꞌe mo haꞌatura mau ꞌā e kōrua. Mo riva o kōrua mo haꞌatura, ko tano ꞌā. Tōꞌoku haŋa mau mo uꞌi hoki he parautiꞌa mau ꞌana te kōrua haŋa mo te rua, pa he meꞌe i takeꞌa e au ꞌi te taina o Mātērōnia.

1 Tētārōnika 2:3

Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

1 Tētārōnika 5:21

E uꞌi riva-riva hoki rā vānaŋa kī atu era he parautiꞌa mau ꞌā o te Vārua Maitai ꞌe, mo ai pē ira, e maꞌu e kōrua.

1 Timoteo 1:5

E kī atu ena i te vānaŋa nei ꞌi te haŋa ōꞌoku mo ai o te haŋa ꞌi roto i a tātou, he haŋa eꞌa mai roto i te māhatu maꞌitaki, mai roto i te manaꞌu riva-riva ꞌe mai te haka moe iŋa parautiꞌa i te manaꞌu ꞌi ruŋa i te ꞌAtua.

ꞌEvereo 1:9

Taꞌa meꞌe haŋa he meꞌe riva-riva ꞌe taꞌa meꞌe taꞌe haŋa he meꞌe taꞌe tano; ꞌo ira a au, tuꞌu ꞌAtua, i haka nui-nui ai i a koe, ꞌe i vaꞌai atu ai i te koa ꞌata hau rō atu ki tuꞌu ŋā hokorua ena».

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 4:8

ꞌI roto i a kōrua te meꞌe mo raꞌe he here he haŋa ki te rua. Mo haŋa, paꞌi, o tātou ki te rua hai māhatu, meꞌe taꞌe aŋarahi ia te meꞌe ena he haka rehu i te meꞌe taꞌe tano aŋa mai e te rua, ka ai atu meꞌe rahi.