Rōmano 12:8 - Rapa Nui

⁸ ꞌE te kope i a ia te meꞌe he haka pūai i te manaꞌu o te rua, e noho e haka pūai. ꞌE te kope i a ia te meꞌe he vaꞌai hai meꞌe ki te rua, e vaꞌai hai māhatu. ꞌE te kope te meꞌe i vaꞌai ki a ia he haka tere i te nūnaꞌa taŋata haka moe i te manaꞌu ꞌi ruŋa i a Ietū, e uꞌi e aŋa riva-riva tāꞌana aŋa, ꞌe te kope tāꞌana meꞌe he hāꞌūꞌū ki te rua, e hāꞌūꞌū hai koa.

Rōmano 12:8 ပူးပေါင်းရင်းမြစ်များ

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 13:12

I takeꞌa era e te suerekao i tū meꞌe topa era, he haka moe i tōꞌona manaꞌu ꞌi ruŋa i a Ietū koia ko māere ꞌi te meꞌe hāpī e kuā Sauro o ruŋa i a Ietū.

Aŋa o te ꞌĀpōtoro 13:15

I oti era te taiꞌo i te kona o ruŋa o te puka pāpaꞌi e ⌊Mōtē⌋ ꞌe i te kona o te puka pāpaꞌi e te perofeta, he kī e te nuꞌu pūꞌoko haka tere o tū hare pure era: «E kuā taina, mo ai o te kōrua meꞌe mo kī mo haka pūai i te manaꞌu o te nuꞌu nei, ka vānaŋa».

Aŋa o te ꞌĀpōtoro 15:32

ꞌE, a Hura ararua ko Tira he ꞌata haka koa ꞌe he ꞌata haka haŋu i rā ŋā taina hai vānaŋa i haka vānaŋa e te ꞌAtua.

Aŋa o te ꞌĀpōtoro 20:2

ꞌI te kona taꞌatoꞌa tuꞌu ōꞌona e haka haŋu e oho era i te taina hai vānaŋa ꞌāꞌana. He tuꞌu ia ꞌi tōꞌona ara ki Keretia,

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Aŋa o te ꞌĀpōtoro 4:36

Pē ira i aŋa ai e te taŋata ⌊rēvita⌋ e tahi te ꞌīŋoa ko ⌊Kōsē⌋ o te motu ko Tīpere, nape e te ꞌāpōtoro ko Verenāvē (te auraꞌa: «he kope hāꞌūꞌū i te rua»).

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Rōmano 13:6

ꞌO ira takoꞌa a kōrua e ꞌauhau ena i te moni haka ꞌauhau atu e te nuꞌu pūꞌoko haka tere henua. A rāua, paꞌi, e haka tere ena i te henua e aŋa ꞌana ki te ꞌAtua.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 14:3

ꞌE te kope ki a ia i vaꞌai ai i te meꞌe he vānaŋa i te meꞌe haka ꞌite e te ꞌAtua e vānaŋa ꞌana ki te nuꞌu mo haka pūai i te rāua haka moe iŋa i te manaꞌu ꞌi ruŋa i a Ietū, mo haka haŋu ꞌe mo haka koa i a rāua.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

2 Kōrinto 11:3

ꞌE, e riꞌa-riꞌa rō ꞌā a au ꞌo kore te kōrua haŋa parautiꞌa ki te Kiritō, pa he meꞌe topa ki a ⌊Eva⌋ ꞌi te hora haka roŋo ki te reo-reo o tū kōreha era ko Rukifero.

2 Kōrinto 8:12

Mo ai ꞌi roto i te kōrua māhatu te haŋa parautiꞌa mo vaꞌai, ꞌe te meꞌe vaꞌai e kōrua e tano rō ꞌā ki te meꞌe ai o kōrua, he koa te ꞌAtua. ꞌIna, paꞌi, a ia he no-noꞌi mai ꞌata rahi te meꞌe ki te meꞌe ai o tātou mo vaꞌai.

2 Kōrinto 9:11

Pē ira ka ai ena rauhuru nō atu kōrua hauhaꞌa ꞌe he tano mo hāꞌūꞌū ki te rua hai māhatu. Te moni haka taka-taka ena e kōrua ka maꞌu ena e mātou he rāveꞌa haka ꞌou e tahi mo māuru-uru o te tātou ŋā taina era o Hērutarema ki te ꞌAtua.

2 Kōrinto 9:13

Hai hāꞌūꞌū ena o kōrua he haꞌahana-hana te taina o Hērutarema ki te ꞌAtua ꞌi te ꞌite e maꞌu ꞌe e haꞌatura rō ꞌana kōrua ki te ⌊roŋo riva-riva o te ꞌAtua⌋ o ruŋa i a Ietū Kiritō, ꞌe ꞌi te rahi o te kōrua hāꞌūꞌū iŋa ki a rāua ꞌe ki te taŋata taꞌatoꞌa.

2 Kōrinto 9:7

Taꞌatoꞌa o kōrua ana vaꞌai i te meꞌe manaꞌu ꞌi roto i te māhatu hai haŋa, ꞌe taꞌe ꞌō ꞌo te ai ko kī atu ꞌā e te rua. Te ꞌAtua, paꞌi, e haŋa rō ꞌā ki te kope vaꞌai i te meꞌe hai koa.

Ēfeto 6:5

E te ꞌekaravo, e haꞌatura ki te nuꞌu haka aŋa atu i a kōrua hai moꞌa ꞌe hai māhatu pa he meꞌe: e tāvini ꞌana a kōrua ki a Ietū.

Kōrosa 3:22

E te ꞌekaravo, e haꞌatura ki te vānaŋa taꞌatoꞌa o te kope ꞌāꞌana te haka aŋa atu, ꞌe taꞌe nō ꞌō ꞌi te hora ꞌi muri i a kōrua ki koa ai. ꞌI te taꞌatoꞌa nō hora kōrua ana haꞌatura ki rā kope hai māhatu ꞌi te meꞌe era e moꞌa rō ꞌā a kōrua i a Ietū.

1 Tētārōnika 2:3

Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Tētārōnika 2:8

Pē ira te haŋa o mātou ki a kōrua. ꞌO ira te meꞌe i aŋa o mātou ꞌi roto i a kōrua taꞌe nō he haka ꞌite atu i te ⌊roŋo riva-riva o te ꞌAtua⌋, i aŋa takoꞌa rō i te meꞌe nō era mo hāꞌūꞌū atu, ꞌi te rahi o te mātou haŋa mo kōrua.

1 Timoteo 4:13

ꞌI tuꞌu tiaki iŋa mai, e taiꞌo koe ki te taŋata i te ⌊Pāpaꞌi Moꞌa⌋, e hāpī ꞌe e haka haŋu koe i te taina.

1 Timoteo 5:17

Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

ꞌEvereo 13:24

E ꞌaroha atu kōrua ki te kōrua pūꞌoko haka tere ꞌe ki te nuꞌu taꞌatoꞌa haka moe i te manaꞌu ꞌi ruŋa i a Ietū. Te ŋā taina era o ꞌĪtāria ko ꞌaroha mai ꞌana mo kōrua.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.