Rōmano 12:19 - Rapa Nui

¹⁹ E te taina, ꞌina ko kimi i te rāveꞌa mo haka ūtuꞌa i te nuꞌu aŋa atu i te meꞌe taꞌe tano; e haka rē mo te ꞌAtua a rāua e haka ūtuꞌa. E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Māꞌaku mau nō e haka ūtuꞌa i te taŋata, ꞌe māꞌaku e haka ꞌauhau i te rāua meꞌe taꞌe tano aŋa, he kī iŋa nei o te ꞌAtua».

Rōmano 12:19 ပူးပေါင်းရင်းမြစ်များ

Māteo 5:39

ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.

Rōmano 12:14

E ani ki te ꞌAtua mo haꞌamaitai i te nuꞌu tōtōā atu i a kōrua; ꞌina ko ani mo haka ūtuꞌa i a rāua.

Rōmano 12:17

ꞌIna ko haka hoki hai meꞌe taꞌe tano ki te kope aŋa atu i te meꞌe taꞌe tano. E noho riva-riva kōrua, ꞌo ai te vānaŋa mo tuhi atu i te kōrua hape.

Rōmano 13:4

A rāua he tāvini o te ꞌAtua mo tuꞌu riva-riva. ꞌE, mo aŋa ōꞌou i te meꞌe taꞌe tano, e riꞌa-riꞌa; i a rāua, paꞌi, te parau mo haka ūtuꞌa i te nuꞌu aŋa i te meꞌe taꞌe tano.

Ēfeto 4:27

ꞌo ravaꞌa rō i a kōrua e Rukifero mo haka hara.

1 Tētārōnika 4:6

ꞌIna e tahi o kōrua mo tōtōā i te taina ⌊haka moe i te manaꞌu⌋ ꞌi ruŋa i a Ietū hai toꞌo i tāꞌana viꞌe māꞌana. Ko haka ꞌite atu era ꞌā, paꞌi, e mātou pē nei ē: te ꞌAtua e haka ūtuꞌa rō ꞌā i te nuꞌu aŋa i te meꞌe tuꞌu pē nei hai ūtuꞌa taparahi-taꞌata.

2 Timoteo 4:14

A Arehantaro, taŋata aŋa ꞌaurī era, ko aŋa mai ꞌana i te meꞌe taꞌe tano ki a au; mo te ꞌAtua e haka ūtuꞌa i a ia.

ꞌEvereo 10:30

Ko ꞌite ꞌana a tātou ko kī ꞌana e te ꞌAtua pē nei ē: «I a au te parau mo haka ūtuꞌa i te rāua hape ꞌe mo vaꞌai i te meꞌe tano ki te rāua meꞌe aŋa». ꞌE i kī takoꞌa rō: «Māꞌaku e uꞌi i te meꞌe tano ꞌe i te meꞌe taꞌe tano o tōꞌoku taŋata».