Rōmano 12:16 - Rapa Nui

¹⁶ ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

Rōmano 12:16 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 26:11

Te nuꞌu veve e ko ŋaro mai muri i a kōrua ki te hora hopeꞌa, ꞌe a au e ko noho e ko oho nō atu ꞌi muri i a kōrua.

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Aŋa o te ꞌĀpōtoro 4:32

Te nuꞌu taꞌatoꞌa haka moe i te manaꞌu ꞌi ruŋa i a Ietū, pē tū huru tahi ꞌana te manaꞌu. ꞌIna e tahi o rāua he kī: tōꞌona meꞌe ai, mōꞌona nō; mo te taꞌatoꞌa e kī era.

Rōmano 11:20

He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Rōmano 15:5

O te ꞌAtua, vaꞌai i te ꞌite mo haꞌaoromaꞌi i te ꞌati ꞌe i te pūai mo haka hio-hio i te tātou manaꞌu, te hāꞌūꞌū atu i a kōrua mo noho ꞌi roto i te haumārū, pa he nuꞌu te rāua noho iŋa pē Ietū Kiritō ꞌā,

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

1 Kōrinto 1:10

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 6:5

Te vānaŋa nei e kī atu ena mo haꞌamā o kōrua. E tuꞌu rō ꞌana, paꞌi, pa he meꞌe ena ē: ꞌina he kope mārama-rama o roto i a kōrua mo haka kore i te kōrua ture.

1 Kōrinto 8:2

Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 3:16

Te meꞌe haŋa nō: he riro o te tātou noho iŋa noho iŋa tano ki te meꞌe ko haka aŋi-aŋi mai era ꞌā e ia.

Fīripo 4:2

He ani atu a au ki a kōrua, e ꞌEvoria ē, ꞌe e Tinitike ē: ka haka kore te riri o roto i a kōrua; a kōrua, paꞌi, he taina haka moe i te manaꞌu o ruŋa i a Ietū.

ꞌEvereo 13:5

ꞌIna kōrua ko haŋa rahi ki te moni; e koa mo te meꞌe ai o kōrua. I kī rō, paꞌi, e te ꞌAtua: «ꞌIna a au e ko haka rē i a kōrua ki te hora hopeꞌa».

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.

1 Pētero 5:3

ꞌIna ko manaꞌu: o kōrua rā māmoe haka hāpaꞌo atu era. Te meꞌe mo aŋa he haka takeꞌa ki a rāua pē hē a rāua ana haka tere hai haka tere iŋa tano ena o kōrua.

3 Iovani 1:9

I pāpaꞌi rō au e tahi parau ki te kōrua nūnaꞌa taŋata haka moe i te manaꞌu ꞌi ruŋa i a Ietū. ꞌE a Riotefere ꞌina kai tapa mai i tāꞌaku meꞌe pāpaꞌi era ꞌi te haŋa mo ai ko ia mau nō te pūꞌoko haka tere o nā.