Rōmano 12:13 - Rapa Nui

¹³ E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Rōmano 12:13 ပူးပေါင်းရင်းမြစ်များ

Māteo 25:35

I maruaki rō, paꞌi, a au he vaꞌai mai e kōrua hai kai; i pohe rō ki te vai, he vaꞌai mai e kōrua hai vai; i ai rō a au he taŋata o te rua henua ꞌina he kona mo noho, he toꞌo e kōrua ki roto i te kōrua hare.

Aŋa o te ꞌĀpōtoro 10:4

He noho he uꞌi a Koronerio ki tū merahi era koia ko riꞌa-riꞌa ꞌe he ꞌui: «¿He aha rā taꞌa meꞌe haŋa?». He kī e te merahi: «Ko ŋaroꞌa ꞌana e te ꞌAtua i taꞌa pure ꞌe e takeꞌa rō ꞌana i tuꞌu hāꞌūꞌū iŋa ki te veve.

Aŋa o te ꞌĀpōtoro 4:35

he vaꞌai ki te ꞌāpōtoro mo tuhaꞌa ki te nuꞌu kore o te meꞌe.

Rōmano 12:8

ꞌE te kope i a ia te meꞌe he haka pūai i te manaꞌu o te rua, e noho e haka pūai. ꞌE te kope i a ia te meꞌe he vaꞌai hai meꞌe ki te rua, e vaꞌai hai māhatu. ꞌE te kope te meꞌe i vaꞌai ki a ia he haka tere i te nūnaꞌa taŋata haka moe i te manaꞌu ꞌi ruŋa i a Ietū, e uꞌi e aŋa riva-riva tāꞌana aŋa, ꞌe te kope tāꞌana meꞌe he hāꞌūꞌū ki te rua, e hāꞌūꞌū hai koa.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

2 Kōrinto 9:1

ꞌE o ruŋa i te meꞌe he haꞌaputu i te moni mo te taina veve o Hērutarema, ¡¿mo aha atu ꞌā a au ana pāpaꞌi haka ꞌou atu?!

2 Kōrinto 9:12

Te maꞌu i te hāꞌūꞌū nei ki te ŋā taina era o ira taꞌe nō e maꞌu ꞌā i te meꞌe hape o rāua, e aŋa takoꞌa ꞌā i te meꞌe mo ꞌata māuru-uru o rāua ki te ꞌAtua.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

Tito 1:8

E ai he taŋata haŋa mo toꞌo ꞌe mo hāpaꞌo i te nuꞌu tuꞌu ki tōꞌona hare, he taŋata aŋa i te meꞌe riva-riva mo te rua, haka topa riva-riva i te manaꞌu ꞌe aŋa i te meꞌe tī-tika, he taŋata māhatu maꞌitaki, ꞌite mo hāito i tāꞌana meꞌe kī ꞌe i tāꞌana meꞌe aŋa.

Tito 3:14

Te nuꞌu o tātou e ꞌite mo aŋa i te meꞌe riva-riva ꞌe mo hāꞌūꞌū i te rua, ki hauhaꞌa ai te rāua noho iŋa ꞌi te ao nei.

Firemono 1:7

Ko koa ꞌana a au ꞌe ko ꞌata ai ꞌana tōꞌoku haŋu, e Firemono ē, ꞌi te ai o tuꞌu haŋa ki te nuꞌu haꞌataꞌa e te ꞌAtua māꞌana, ꞌi te meꞌe era e haka koa rō ꞌana koe i te rāua māhatu.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

ꞌEvereo 13:2

Nuꞌu nō era mo tuꞌu atu ki te kōrua hare e hāpaꞌo riva-riva, koiꞌite he merahi te meꞌe ka tuꞌu atu ena, pa he meꞌe i topa ki te tētahi nuꞌu.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Pētero 4:9

E toꞌo e hāpaꞌo te taina tuꞌu atu ki te kōrua hare, ꞌe ꞌina ko hēŋuꞌi-ŋuꞌi mo rāua.

1 Iovani 3:17

Kope nō era e ai rō ꞌā tōꞌona hauhaꞌa o te ao nei, ꞌe he takeꞌa i tōꞌona taina e ai rō ꞌana tāꞌana meꞌe hape ꞌe ꞌina he hāꞌūꞌū, ¿e ai mau rō ꞌana hō i a ia te haŋa o te ꞌAtua mo te rua?

3 Iovani 1:5

E te taina, meꞌe riva-riva taꞌa meꞌe ena e aŋa mai ena he hāꞌūꞌū ki te tātou taina, ꞌe ꞌata riva-riva mo ai he taina tuꞌu atu mai te kona roa-roa.