Rōmano 12:12 - Rapa Nui

¹² E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Rōmano 12:12 ပူးပေါင်းရင်းမြစ်များ

Māteo 5:12

E koa; ꞌi te raŋi e vaꞌai rō atu e te ꞌAtua i te meꞌe nui-nui mo haka koa i a kōrua. Pē ira takoꞌa i tōtōā ai i te perofeta o muꞌa ꞌā.

Ruka 10:20

ꞌE, ka ai atu pē ira, te meꞌe o kōrua mo koa: ko pāpaꞌi ꞌā te kōrua ꞌīŋoa ꞌi te raŋi, taꞌe ꞌō ko haka roŋo atu ꞌā te tātane.

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Aŋa o te ꞌĀpōtoro 1:14

Te aŋa o rāua he haka taka-taka mo pure ananake ko te taina o Ietū, ko ⌊Māria⌋ matuꞌa ōꞌona ꞌe ko te tētahi atu ŋā viꞌe.

Aŋa o te ꞌĀpōtoro 12:5

A Pētero ia ꞌi roto i te hare maꞌuꞌaurī e ꞌauario rō ꞌā e te vaꞌehau, ꞌe te nuꞌu haka moe i te manaꞌu ꞌi ruŋa i a Ietū hai māhatu e pure era mōꞌona.

Aŋa o te ꞌĀpōtoro 2:42

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

Aŋa o te ꞌĀpōtoro 6:4

A mātou, paꞌi, he maꞌu i te aŋa he pure ꞌe he haka ꞌite i te vānaŋa o te ꞌAtua».

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 8:25

I ai ena e tiaki ꞌana a tātou ki te meꞌe ꞌina kai topa mai ꞌā, ki tiaki ki oho nō ia tātou koia ko haꞌaoromaꞌi hai pūai.

1 Kōrinto 13:13

E toru meꞌe ꞌina e ko kore ki te hora hopeꞌa: he haka moe iŋa i te manaꞌu ꞌi ruŋa i te ꞌAtua, he ŋatu o te haŋu ꞌi ruŋa i tāꞌana meꞌe hōrea mai era, ꞌe he haŋa ki te rua. ꞌE te meꞌe hopeꞌa o te hauhaꞌa o te ŋā meꞌe nei e toru he haŋa ki te rua.

2 Kōrinto 12:8

E toru ōꞌoku ani iŋa ki tōꞌoku Pūꞌoko Haka Tere mo toꞌo i te ꞌati nei mai ruŋa i a au.

Fīripo 3:1

Te meꞌe hopeꞌa, e te taina ē, e koa ꞌo te ai o kōrua ꞌa Ietū Kiritō. Te kī te oho nō atu i te meꞌe ko kī atu era ꞌana e au taꞌe he ꞌati mōꞌoku; ko ꞌite ꞌana, paꞌi, e au he meꞌe mo hāꞌūꞌū atu i a kōrua.

Fīripo 4:4

E koa e oho nō kōrua ꞌo te ai o kōrua ꞌa Ietū Kiritō. ꞌĪ a au he kī haka ꞌou atu: ¡E koa kōrua!

Kōrosa 1:11

ꞌI roto i te mātou pure e no-noꞌi rō ꞌana a mātou ki te ꞌAtua mo haka haŋu atu i a kōrua hai pūai nui-nui ōꞌona. Pē ira he ꞌite kōrua mo ꞌamo hai pūai, hai haumārū ꞌe hai koa i te ꞌati taꞌatoꞌa nō era mo topa atu ꞌi ruŋa i a kōrua

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

Kōrosa 4:2

ꞌIna kōrua ko haka rē ꞌi te pure. E pure ꞌā, e uꞌi ꞌo oho kē te manaꞌu. E māuru-uru ki te ꞌAtua

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 5:8

A tātou, te nuꞌu o te ꞌōtea, e ꞌite mo hāito, paurō te mahana, i te tātou meꞌe kī ꞌe i te tātou meꞌe aŋa. ꞌE pa he hāpaꞌo iŋa o te vaꞌehau i a ia hai kahu aŋa hai ꞌaurī, pē ira takoꞌa ꞌana a tātou ana hāpaꞌo i a tātou hai haka moe i te manaꞌu ꞌi ruŋa i a Ietū ꞌe hai haŋa ki a ia ꞌe ki te rua, ꞌo aŋa mai e Rukifero i te meꞌe mo haka hara i a tātou. ꞌE pa he hāpaꞌo iŋa o te vaꞌehau i tōꞌona pūꞌoko e puꞌa i te haꞌu aŋa hai ꞌaurī, pē ira takoꞌa tātou ana hāpaꞌo i a tātou hai maꞌu hio-hio ꞌi roto i a tātou i te parautiꞌa: a Ietū e haka eꞌa rō i a tātou mai roto i te ūtuꞌa o te hara ꞌe e vaꞌai rō mai i te ora ꞌāpī ꞌina he hopeꞌa raꞌa.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

2 Tētārōnika 3:5

ꞌE mo te tātou Pūꞌoko Haka Tere ko Ietū e hāꞌūꞌū atu mo aŋi-aŋi i te rahi o te haŋa o te ꞌAtua ki a kōrua ꞌe mo ꞌite o kōrua mo haꞌaoromaꞌi hai pūai ꞌi te hora o te ꞌati, pa he oho iŋa era ōꞌona.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

2 Timoteo 3:10

ꞌE a koe, e Timoteo ē, ko ꞌite riva-riva ꞌana i tāꞌaku meꞌe hāpī, i te huru o tōꞌoku noho iŋa, i tāꞌaku meꞌe haŋa mo aŋa, i tōꞌoku haka moe iŋa i te manaꞌu ꞌi ruŋa i a Ietū, i tōꞌoku haumārū, i tōꞌoku haŋa ki te rua ꞌe i tōꞌoku haꞌaoromaꞌi iŋa i te ꞌati hai pūai

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tito 3:7

ki aŋi-aŋi riva-riva ai e tātou: pe muꞌa ka oho ena e ravaꞌa rō e tātou i te ora ꞌāpī ꞌina he hopeꞌa raꞌa vaꞌai e te ꞌAtua, pa he hauhaꞌa haka rē e te matuꞌa mo tāꞌana poki. ꞌE e ꞌite nei e tātou i nei meꞌe ꞌo te ai, ꞌi tōꞌona riva rahi, i kī ai e te ꞌAtua: a tātou he nuꞌu tano ki tōꞌona mata.

ꞌEvereo 10:32

ꞌO ira, e manaꞌu kōrua ki te hora raꞌe māhani era ki a Ietū Kiritō. I ꞌamo i oho nō kōrua hai pūai i te ꞌati nui-nui e topa atu era.

ꞌEvereo 10:36

E ꞌite i te haꞌaoromaꞌi i te ꞌati hai pūai mo aŋa i te meꞌe haŋa o te ꞌAtua; pē ira takoꞌa i a kōrua pe muꞌa ka oho ena te meꞌe hōrea mai era e ia.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

ꞌEvereo 6:12

ꞌE ꞌina a mātou he haŋa mo hupe-hupe o kōrua. Ka aŋa ka oho nō, pa he meꞌe aŋa e te nuꞌu ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. I a rāua te meꞌe hōrea e te ꞌAtua.

ꞌEvereo 6:15

I tiaki i oho nō a ꞌAparahama hai haumārū ꞌe i haka tano rō e te ꞌAtua i rā meꞌe hōrea era ki a ia.

Tanatiako 5:7

E te taina, e ꞌite kōrua mo tiaki hai haumārū ꞌātā ki te tuꞌu iŋa mai o te tātou Pūꞌoko Haka Tere ko Ietū Kiritō. Te taŋata ꞌoka kai e ꞌite rō ꞌana mo tiaki ki te ꞌāvaꞌe ꞌua mo taiko o tāꞌana haꞌaꞌapu, ꞌe ꞌai ka kato iho.

1 Pētero 4:13

Te tano mau: e koa kōrua ꞌo te ꞌamo takoꞌa i te mamae tuꞌu pa he mamae ꞌamo e te ⌊Kiritō⌋, ki rahi ai te kōrua koa ꞌi te hora ka haka takeꞌa mai ena i tōꞌona nui-nui.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

2 Pētero 1:6

ꞌe ki te ꞌite i te haka topa riva-riva i te manaꞌu, te ꞌite i te haka noho ꞌo hara, ꞌe ki te ꞌite i te haka noho ꞌo hara, te ꞌite i te haꞌaoromaꞌi hai haumārū, ꞌe ki te ꞌite i te haꞌaoromaꞌi hai haumārū, te moꞌa ꞌe te haꞌatura ki te ꞌAtua,

Meꞌe Haka Takeꞌa 13:10

«Te nuꞌu ena mo puru, e maꞌu e puru rō; ꞌe te nuꞌu ena mo mate hai hoe, hai hoe ka mate ena». ꞌO ira, te nuꞌu haꞌataꞌa e te ꞌAtua māꞌana e ꞌite mo ꞌamo i te ꞌati topa ꞌi ruŋa i a rāua, ꞌe e haka moe e oho te manaꞌu ꞌi ruŋa i a Ietū.