Rōmano 12:11 - Rapa Nui

¹¹ ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

Rōmano 12:11 ပူးပေါင်းရင်းမြစ်များ

Māteo 24:12

ꞌI rā ŋā mahana, ꞌi te rahi o te meꞌe taꞌe tano aŋa, he kore te haŋa mo te rua o te rahi raꞌa mau o te taŋata.

Māteo 25:26

»He pāhono e tū taŋata era: “He tāvini rake-rake ꞌe hupe-hupe koe. Mo ai ko ꞌite riva-riva ꞌana koe pē hē tōꞌoku huru,

Aŋa o te ꞌĀpōtoro 18:25

Ko hāpī ꞌā o ruŋa o te ara o te ꞌAtua. E vānaŋa era hai māhatu ꞌe hai tī-tika o ruŋa i a Ietū, ka ai atu tāꞌana meꞌe ꞌite ko te meꞌe hāpī nō era e ⌊Iovani⌋ hora papatito era i te taŋata.

Aŋa o te ꞌĀpōtoro 20:19

Te mahana te mahana i noho atu ai a au ꞌi roto i a kōrua e aŋa ꞌā i te aŋa o te ꞌAtua pa he kope taꞌe manaꞌu i hau rō atu ki te rua koia ko pariŋi tōꞌoku matavai. I haꞌaoromaꞌi rō au i te rahi o te ꞌati topa mai, he rava aŋa mai o te hūrio ra-rahi i te meꞌe rake-rake.

1 Kōrinto 7:22

Te kope, paꞌi, he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei, ko eꞌa ꞌana mai te pūai o te hara mo tāvini takoꞌa ki a Ietū, Pūꞌoko Haka Tere o tātou. ꞌE te kope taꞌe he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei pa he ꞌekaravo o te ⌊Kiritō⌋.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

Kōrosa 4:1

ꞌE a kōrua, e te nuꞌu ai o te ꞌekaravo ē, e hāpaꞌo kōrua i a rāua ꞌe e aŋa i te meꞌe tī-tika. ꞌIna ko rehu: e ai takoꞌa rō ꞌana te kōrua Pūꞌoko Haka Tere ꞌi ruŋa i te raŋi.

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.

Tanatiako 5:16

ꞌO ira, ꞌi roto i a kōrua e kī i te kōrua hara ꞌe e pure te taina nei mo te taina era, ki haka ora atu ai e te ꞌAtua i te kōrua hakari ꞌe i te kōrua vārua. Te pure o te kope aŋa i te meꞌe tī-tika ki te mata o te ꞌAtua e ai rō ꞌana te mana.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 4:8

ꞌI roto i a kōrua te meꞌe mo raꞌe he here he haŋa ki te rua. Mo haŋa, paꞌi, o tātou ki te rua hai māhatu, meꞌe taꞌe aŋarahi ia te meꞌe ena he haka rehu i te meꞌe taꞌe tano aŋa mai e te rua, ka ai atu meꞌe rahi.

Meꞌe Haka Takeꞌa 2:4

’Ka ai atu pē ira, e ai rō ꞌana tāꞌaku ture māꞌau: he taꞌe haŋa haka ꞌou mai ōꞌou ki a au ꞌe ki te rua pa he oho iŋa era o muꞌa ꞌā, hora haka moe raꞌe era ōꞌou i te manaꞌu ꞌi ruŋa i a au.