Rōmano 12:10 - Rapa Nui

¹⁰ E here ꞌi roto i a kōrua pa he taina, ꞌe e moꞌa pa he nuꞌu manaꞌu i hau rō atu te rua ki a rāua.

Rōmano 12:10 ပူးပေါင်းရင်းမြစ်များ

Māteo 20:26

ꞌI roto i a kōrua ꞌina ko ai te meꞌe tuꞌu pē ira. Te tano mau: te kope haŋa mo hōnui o roto i a kōrua, e tāvini mo te taꞌatoꞌa,

Ruka 14:10

»Te tano mau: mo kī atu mo oho ōꞌou ki te ŋoŋoro, e noho koe ꞌi ruŋa i te pepe hopeꞌa o tuꞌa ki ai ki vari te taŋata era ꞌāꞌana i kī atu mo oho ki rā ŋoŋoro he kī atu pē nei ē: “E hoa, ka oho mai koe ka noho ꞌi ruŋa i te pepe mo te nuꞌu ra-rahi”. Pē ira he takeꞌa e te nuꞌu noho ꞌi muri i a koe he taŋata hōnui koe.

Iovani 15:17

Tāꞌaku meꞌe nei e kī atu ena: e haŋa kōrua ki te rua.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Aŋa o te ꞌĀpōtoro 4:32

Te nuꞌu taꞌatoꞌa haka moe i te manaꞌu ꞌi ruŋa i a Ietū, pē tū huru tahi ꞌana te manaꞌu. ꞌIna e tahi o rāua he kī: tōꞌona meꞌe ai, mōꞌona nō; mo te taꞌatoꞌa e kī era.

Rōmano 13:7

E ꞌauhau te meꞌe taꞌatoꞌa ena mo ꞌauhau ki te nuꞌu ki a rāua ana ꞌauhau koia ko moꞌa i a rāua. Te ŋā meꞌe nei he meꞌe mau ꞌā mo aŋa e tātou.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

1 Tētārōnika 4:9

ꞌE o ruŋa i te meꞌe he haŋa o te taina haka moe i te manaꞌu ꞌi ruŋa i a Ietū ꞌi roto i a rāua ꞌā, ꞌina e mātou e ko pāpaꞌi atu. Ko hāpī atu era ꞌā, paꞌi, e te ꞌAtua mau ꞌā mo haŋa o kōrua ki te rua.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

ꞌEvereo 13:1

A kōrua he taina ⌊haka moe i te manaꞌu⌋ ꞌi ruŋa i a Ietū. ꞌO ira, e haŋa e oho nō kōrua ꞌi roto i a kōrua ꞌā.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 2:17

E moꞌa kōrua i te taŋata taꞌatoꞌa. E haŋa ki te taina, e haꞌamuri ki te ꞌAtua ꞌe e moꞌa i te pūꞌoko haka tere o te kōrua henua.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

2 Pētero 1:7

ꞌe ki te moꞌa ꞌe haꞌatura ki te ꞌAtua, te haŋa ki te taina haka moe i te manaꞌu ꞌi ruŋa i a Ietū, ꞌe ki te haŋa ki te taina, te haŋa mo te taŋata taꞌatoꞌa.

1 Iovani 4:11

E te taina, mo ai pē ira te haŋa iŋa mai o te ꞌAtua ki a tātou, e haŋa takoꞌa a tātou ki te rua.

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?