Rōmano 11:36 - Rapa Nui

³⁶ Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 11:36 ပူးပေါင်းရင်းမြစ်များ

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Aŋa o te ꞌĀpōtoro 17:28

Hai ꞌAtua, paꞌi, a tātou e ora nei, e makenu nei ꞌe e ai nei ꞌi ruŋa i te henua. Pē nei te tētahi nuꞌu pāpaꞌi pātaꞌu-taꞌu o kōrua i kī ai: “He poki a tātou o te ꞌAtua”.

Rōmano 16:27

¡ꞌĀtā ki te hopeꞌa raꞌa ki haꞌahana-hana tahi tātou hai Ietū Kiritō ki te ꞌAtua, ko ia mau nō te ꞌAtua, ꞌe i a ia mau nō te mārama-rama parautiꞌa! ꞌĀmene.

1 Kōrinto 11:12

He parautiꞌa te meꞌe ena: te viꞌe raꞌe i aŋa ai mai te taŋata, ꞌe he parautiꞌa takoꞌa, te taŋata e poreko ena mai roto i te viꞌe. ꞌE te meꞌe taꞌatoꞌa mai te ꞌAtua e ai ena.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Karatia 1:5

¡Ki haꞌahana-hana tātou ki a ia ꞌātā ki te hopeꞌa raꞌa! ⌊ꞌĀmene⌋.

Ēfeto 3:21

Ka haꞌahana-hana te taŋata i te ꞌAtua, ꞌi te hora nei ꞌe ki te hopeꞌa raꞌa, ꞌi te pūai nui-nui ōꞌona haka takeꞌa e ia hai Ietū Kiritō ꞌe hai nuꞌu taꞌatoꞌa haka moe i te manaꞌu ꞌi ruŋa i a ia. Ka ai pē ira.

Fīripo 4:20

Ki haꞌahana-hana tahi tātou ki te ꞌAtua, he Matuꞌa o tātou, ꞌātā ki te hopeꞌa raꞌa. ⌊ꞌĀmene⌋.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

1 Timoteo 6:16

ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

ꞌEvereo 2:10

ꞌI te haŋa o te ꞌAtua, kope aŋa ꞌe hāpaꞌo i te meꞌe taꞌatoꞌa, mo maꞌu meꞌe rahi taŋata ki muri i a ia mo ŋā poki ꞌāꞌana, ŋā poki te rāua huru pa he huru mau era ꞌā ōꞌona, i tano ai mo haka riro i a Ietū, hai ꞌati haꞌatiꞌa e ia mo ꞌamo, he kope hopeꞌa o te tano mo maꞌu i te taŋata ki a ia. A Ietū, paꞌi, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

1 Pētero 5:11

ꞌe ꞌAtua hopeꞌa o te pūai haka tere i te meꞌe taꞌatoꞌa ꞌina he hopeꞌa raꞌa. Ka ai pē ira.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

Meꞌe Haka Takeꞌa 19:1

I oho era he ŋaroꞌa e au i te reꞌo pūai o te nuꞌu riꞌa-riꞌa e kī ꞌā ꞌi te raŋi: «¡Ki haꞌahana-hana tahi tātou i te ꞌAtua! I a ia te eꞌa iŋa o tātou mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa. I a ia takoꞌa te nui-nui ꞌe te pūai taꞌatoꞌa.

Meꞌe Haka Takeꞌa 21:6

I oti era he kī haka ꞌou mai: «Nā ko aŋa tahi ꞌā. A au he Haꞌamata ꞌe he Hopeꞌa. ꞌE te kope haŋa ki te vai he vaꞌai e au, taꞌe e ꞌauhau, mai te kona tehe o te vai vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 7:10

Taꞌatoꞌa e ohu pūai era: «¡A tātou i eꞌa nei mai roto i te ūtuꞌa o te hara ꞌe i ravaꞌa nei i te ora ꞌāpī ꞌina he hopeꞌa raꞌa hai ꞌAtua nei o tātou e noho mai nei ꞌi ruŋa i te pepe ꞌariki ꞌe hai Māmoe!».

Meꞌe Haka Takeꞌa 7:12

ꞌe he kī pē nei ē: «¡He aŋi ꞌana! Te meꞌe mo te tātou ꞌAtua: he haꞌahana-hana, he haka nui-nui, he moꞌa ꞌe he māuru-uru o te taꞌatoꞌa ꞌo te ꞌite ōꞌona i te meꞌe taꞌatoꞌa, ꞌo te ai i a ia te pūai ꞌe te mana. Ki haꞌahana-hana tātou ki a ia ꞌātā ki te hopeꞌa raꞌa. ¡⌊ꞌĀmene⌋!».