Rōmano 11:32 - Rapa Nui

³² Te ꞌAtua ia ꞌi te haŋa mo haka takeꞌa i tōꞌona haka ꞌaroha ꞌe i tōꞌona riva rahi ꞌi ruŋa i te taŋata taꞌatoꞌa, ko haka ꞌite mai ꞌana pē nei ē: ka hūrio ꞌe ka taꞌe hūrio, taꞌatoꞌa he nuꞌu taꞌe haꞌatura ki a ia.

Rōmano 11:32 ပူးပေါင်းရင်းမြစ်များ

Iovani 1:7

I oho mai ai pa he mataꞌite mo vānaŋa o ruŋa i rā mōrī mo haka moe o te taŋata taꞌatoꞌa i te rāua manaꞌu ꞌi ruŋa i rā mōrī hai vānaŋa era ꞌāꞌana.

Iovani 12:32

Ka veo ena i a au ꞌi ruŋa i te tātaurō, he uto tahi mai e au i te taŋata taꞌatoꞌa».

Rōmano 11:31

Te taꞌe haꞌatura o te hūrio he meꞌe e tahi o te ꞌAtua mo haka ꞌaroha i a kōrua, ꞌe mo haka ꞌaroha takoꞌa i a rāua.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:9

¿Pē hē ia te meꞌe nei? ¿ꞌAta hau hō tātou te hūrio ki te mata o te ꞌAtua ki te nuꞌu taꞌe he hūrio? Taꞌe pē ira. Nā ko haka ꞌite atu ꞌana pē nei ē: ka hūrio, ka taꞌe hūrio, taꞌatoꞌa nō he nuꞌu hara.

Rōmano 5:19

ꞌO te taꞌe haꞌatura o te taŋata mau nō e tahi i hara tahi ai te taŋata, ꞌe ꞌo te haꞌatura o te taŋata mau nō e tahi meꞌe rahi nō atu taŋata ka ai ena he nuꞌu e tano rō ꞌana ki te mata o te ꞌAtua.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Karatia 3:23

Hora era ꞌina kai tuꞌu mai ꞌā te rāveꞌa he haka moe i te manaꞌu ꞌi ruŋa i a Ietū mo tano te taŋata ki te mata o te ꞌAtua, e tuꞌu rō ꞌā a tātou pa he nuꞌu puru ꞌauario e te haka tere iŋa ꞌa Mōtē, tiaki ki te hora vaꞌai i te rāveꞌa he haka moe i te manaꞌu ꞌi ruŋa i a Ietū.