Rōmano 11:20 - Rapa Nui

²⁰ He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

Rōmano 11:20 ပူးပေါင်းရင်းမြစ်များ

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Aŋa o te ꞌĀpōtoro 18:6

He haꞌamata rā nuꞌu he riri ꞌe he vā-vā i a Pauro. He tū-tū ia a Pauro i te puŋaꞌehu mai ruŋa i tōꞌona kahu mo haka ꞌite ki rā nuꞌu: taꞌe ōꞌona te hape mo haka ūtuꞌa i a rāua e te ꞌAtua, o rāua ꞌā. ꞌE he kī: mai rā hora pe muꞌa he oho a ia ki te nuꞌu taꞌe he hūrio.

Rōmano 11:18

Ka ai atu pē ira, ꞌina ko manaꞌu i hau rō atu koe ki te maŋa mau era o rā tumu. E haka topa te manaꞌu: taꞌe mai i a koe mai te maŋa te aka e ora ena; a koe e ora ena hai aka o rā tumu.

Rōmano 11:21

Mo ai ꞌina kai haka rehu e te ꞌAtua i te hara o te maŋa mau o rā tumu, e ko haka rehu takoꞌa e ia i tuꞌu hara.

Rōmano 12:16

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

1 Kōrinto 10:12

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

1 Kōrinto 15:1

Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu.

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

2 Kōrinto 10:5

ꞌe pē ira takoꞌa ꞌā ki te manaꞌu o te nuꞌu teꞌo-teꞌo taꞌe haꞌatiꞌa i a rāua mo māhani ki te ꞌAtua. Pē ira e hāꞌūꞌū nei a mātou ki te nuꞌu mo huri ki te ꞌAtua ꞌe mo manaꞌu o rāua pa he meꞌe haŋa o te Kiritō.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

ꞌEvereo 3:12

E te taina, e uꞌi ꞌo ai te kōrua māhatu taꞌe tano taꞌe ⌊haka moe i te manaꞌu⌋ ꞌi ruŋa i te ꞌAtua ora, ꞌo haꞌataꞌa rō kōrua mai muri i a ia.

ꞌEvereo 3:19

ꞌE, he aŋi ꞌā, ꞌina mau ꞌā a rāua kai oꞌo, he taꞌe haka moe i te manaꞌu ꞌi ruŋa i te ꞌAtua.

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 4:6

ꞌE e ai nō ꞌana te nuꞌu mo oꞌo ki roto i te haka ora nei; te nuꞌu ꞌite raꞌe era, paꞌi, o ruŋa, ꞌina kai oꞌo he taꞌe haꞌatura ki te ꞌAtua.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

1 Pētero 5:9

ꞌIna ko haꞌatiꞌa mo haka tere atu i a kōrua. E haka hio-hio e oho te kōrua haka moe iŋa i te manaꞌu ꞌi ruŋa i te ꞌAtua ꞌi te ꞌite pē nei ē: ꞌi te kona taꞌatoꞌa o te ao, e topa takoꞌa rō ꞌana te ꞌati tuꞌu pē ira ki te kōrua taina.

Meꞌe Haka Takeꞌa 18:7

Ka vaꞌai hai ꞌati ꞌe hai māui-ui ki roto i te ivi, pa he rahi o te teꞌo-teꞌo iŋa ōꞌona, ꞌe pa he rahi o te reka ꞌe o te koa ŋaroꞌa e ia ꞌi tōꞌona noho iŋa era ꞌina he meꞌe haŋa toe. Te viꞌe era he kī nō te aŋa ꞌi roto i tōꞌona māhatu: “A au e noho nei ꞌi te kona nei pa he ꞌariki; taꞌe a au he hove, ꞌe e ko topa mai te ꞌati ki a au”.

Meꞌe Haka Takeꞌa 3:17

’He ꞌono koe e kī ena, e riva-riva rō ꞌā ꞌe ꞌina e tahi aꞌa meꞌe hape; ꞌe te parautiꞌa ꞌina koe he aŋi-aŋi pē nei ē: a koe, ꞌi te meꞌe o te ꞌAtua, he haka ꞌaroha e tahi, he veve, he matapō ꞌe ꞌina uꞌu kahu uru.