Rōmano 11:2 - Rapa Nui

² Te parautiꞌa, ꞌina te ꞌAtua kai hārui tahi i te itaraera, he nuꞌu haꞌataꞌa e ia māꞌana mai muꞌa ꞌā, hai tuaꞌivi. Ka haka topa rā te kōrua manaꞌu ki te meꞌe ena e hāꞌaki ena ꞌi ruŋa i te ⌊Pāpaꞌi Moꞌa⌋ o ruŋa i te perofeta era ko ꞌĒria. ꞌI tōꞌona hora pure ki te ꞌAtua i horo ai i tāꞌana ture mo tōꞌona taŋata he itaraera pē nei ē:

Rōmano 11:2 ပူးပေါင်းရင်းမြစ်များ

Marko 12:26

»ꞌE te ora o te taŋata mai te mate, ¿taꞌe ꞌō ko taiꞌo ꞌā e kōrua ꞌi ruŋa i te puka pāpaꞌi e Mōtē o ruŋa o te tumu ura ꞌi te ahi? Pē nei i kī ai e te ꞌAtua ki a Mōtē mai roto i rā tumu: “A au he ꞌAtua, kope ki a ia e haꞌamuri ena e te kōrua tupuna ko ⌊ꞌAparahama⌋, ko Itaꞌata ꞌe ko Hākovo”. I kī ai i te vānaŋa nei ko mate era ꞌā rā nuꞌu.

Ruka 4:1

He eꞌa ia a Ietū mai te kona rio era ko Horotana, ko ꞌī ꞌā e te pūai o te ⌊Vārua Maitai⌋, ꞌe he oho ki te kona ꞌone taꞌe noho taŋata, i haka oho e te Vārua Maitai.

Iovani 4:11

He kī e rā viꞌe: —Raro nui rahi te pū nei ꞌe ꞌina e tahi aꞌa meꞌe mo ꞌu-ꞌutu mai. ¿Mai hē ia koe ka vaꞌai mai ena i te vai ora ena?

Aŋa o te ꞌĀpōtoro 13:48

I ŋaroꞌa era i te meꞌe nei e te nuꞌu taꞌe he hūrio, he koa rō atu ꞌai ꞌe he haꞌamata he kī: te vānaŋa o te ꞌAtua vānaŋa riva-riva. ꞌE o roto i rā nuꞌu he haka moe i te manaꞌu ꞌi ruŋa i a Ietū te nuꞌu taꞌatoꞌa ko haꞌataꞌa era ꞌā e te ꞌAtua mo ravaꞌa i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 15:18

He vānaŋa nei o te ꞌAtua; ꞌāꞌana i haka ꞌite mai mai muꞌa ꞌā”.

Aŋa o te ꞌĀpōtoro 3:17

»E kuā taina ē, ko ꞌite ꞌana a au hora tiŋaꞌi era e kōrua ꞌe e te kōrua nuꞌu ra-rahi i a Ietū, ꞌina kōrua kai aŋi-aŋi he aha te kōrua meꞌe i aŋa.

Aŋa o te ꞌĀpōtoro 7:40

Hora era ōꞌona ꞌi ruŋa i te maꞌuŋa i kī ai e te tupuna ki a ⌊ꞌĀrone⌋, taina o Mōtē: “Ka aŋa hai ꞌatua mo haka tere i a tātou. Kai ꞌite mai, paꞌi, ko aha ꞌā a Mōtē”.

Rōmano 6:16

¿Kai ꞌite ꞌō kōrua pē nei ē: mo haꞌatura mo oho o kōrua ki te meꞌe e tahi, he riro kōrua he ꞌekaravo o rā meꞌe? He parautiꞌa te vānaŋa nei ka ai atu he hara ꞌo he ꞌAtua te meꞌe haꞌatura o kōrua. Te meꞌe nō, te hara he meꞌe maꞌu i a kōrua ki te mate, ꞌe te haꞌatura ki te ꞌAtua he meꞌe maꞌu i a kōrua mo haka tere hai meꞌe tī-tika.

Rōmano 9:23

I haŋa takoꞌa rō mo haka takeꞌa i te nui-nui o tōꞌona riva rahi ꞌi ruŋa i a tātou, he nuꞌu e haka ꞌaroha rō ꞌana e ia. ꞌE, ko haka riva-riva era ꞌā e te ꞌAtua mo ai o tātou pe muꞌa ka oho ena ꞌi roto i tōꞌona nui-nui, te auraꞌa, mo ai takoꞌa i a tātou te huru riva ōꞌona.

Rōmano 9:6

Ka ai atu meꞌe rahi nō atu nuꞌu ⌊hūrio⌋ i taꞌe haŋa ki te Kiritō, e ko tano a tātou mo kī ꞌina kai haka tano te ꞌAtua i te hōrea kī era ki a rāua. Tāꞌaku kī: taꞌe taꞌatoꞌa hakaara o Itaraera, te auraꞌa, o Hākovo, he itaraera parautiꞌa.

1 Kōrinto 6:2

¿Kai ꞌite ꞌana ꞌō kōrua: pe muꞌa ka oho ena, mo tātou mo te nuꞌu haꞌataꞌa e te ꞌAtua e ture i te nuꞌu o te ao nei? ꞌE, mo ai pē ira, ¿e ko ravaꞌa mau ꞌō e kōrua ꞌi te hora nei mo haka riva-riva i te ture ꞌiti-ꞌiti e tahi?

1 Kōrinto 8:3

ꞌE te kope kī e te ꞌAtua ꞌāꞌana, he kope haŋa rahi ki a ia.

Fīripo 1:22

ꞌE mo ora mo oho nō ōꞌoku, he ꞌata ai ia tōꞌoku hora mo aŋa i tāꞌana aŋa. Te meꞌe nō, kai ꞌite a au he aha te meꞌe ka topa mai ena ki a au ꞌi te hora nei.

ꞌEvereo 1:1

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.