Rōmano 11:18 - Rapa Nui

¹⁸ Ka ai atu pē ira, ꞌina ko manaꞌu i hau rō atu koe ki te maŋa mau era o rā tumu. E haka topa te manaꞌu: taꞌe mai i a koe mai te maŋa te aka e ora ena; a koe e ora ena hai aka o rā tumu.

Rōmano 11:18 ပူးပေါင်းရင်းမြစ်များ

Māteo 26:33

He kī e Pētero: —Mo haka rehu i a koe e te nuꞌu taꞌatoꞌa ena, māꞌaku koe e taꞌe haka rehu.

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 4:22

A kōrua, te nuꞌu o Tāmāria, ꞌina he ꞌite ki a ai e haꞌamuri ena. ꞌE, a mātou e ꞌite rō ꞌana ki a ai; mai i a mātou, paꞌi, mai te hūrio, ka ai ena te rāveꞌa mo te taŋata mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 25:7

I uru era a Pauro, he haka hāhine ki muri te nuꞌu ⌊hūrio⌋ oho mai Hērutarema ꞌe he tuhi meꞌe rahi nō atu hape taparahi-taꞌata, ka ai atu ꞌina e tahi rāua meꞌe mo haka takeꞌa he parautiꞌa mau ꞌā te meꞌe tuhi era e rāua.

Rōmano 11:20

He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

Rōmano 3:27

Mo ai ia pē ira, ¿e riva rō tātou mo teꞌo-teꞌo ꞌi muꞌa o te ꞌAtua o ruŋa i te tātou meꞌe aŋa? ꞌIna. ¿ꞌO te aha? ꞌO te ai hai haka moe nō o tātou i te manaꞌu ꞌi ruŋa i a Ietū te ꞌAtua e kī ena e tano rō ꞌana tātou ki tōꞌona mata, taꞌe ꞌō hai haꞌatura ki te haka tere iŋa ꞌa Mōtē.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

1 Kōrinto 10:12

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.