Rōmano 11:17 - Rapa Nui

¹⁷ Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 11:17 ပူးပေါင်းရင်းမြစ်များ

Māteo 21:43

»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.

Iovani 15:1

»He tumu vino parautiꞌa a au; o tōꞌoku Matuꞌa te haka heu ꞌe te hāpaꞌo.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 15:6

Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

Aŋa o te ꞌĀpōtoro 2:39

Te hōrea era o ruŋa o te Vārua Maitai mo kōrua, mo te kōrua ŋā poki, ꞌe mo te nuꞌu e roa rō ꞌana, te auraꞌa, mo te nuꞌu taꞌatoꞌa kī e te ꞌAtua mo oho ki a ia.

Rōmano 11:24

Pē nei te auraꞌa: mo ai ko toꞌo ꞌana e te ꞌAtua i a koe, he maŋa o te tumu o ꞌuta mo haka tupu ꞌi ruŋa i te tumu ꞌōrivo riva-riva, ¿pē hē ia ana taꞌe haka tupu haka ꞌou e ia, ꞌi ruŋa i rā tumu, i te hūrio, he maŋa parautiꞌa mau o rā tumu?

Karatia 2:15

A mātou i poreko ai he hūrio, taꞌe ꞌō pē nei ē: «he nuꞌu hara taꞌe ꞌite ko ai te ꞌAtua parautiꞌa», pa he meꞌe manaꞌu e mātou ꞌi muꞌa ꞌā o ruŋa i te nuꞌu taꞌe he hūrio.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Kōrosa 2:13

ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

Meꞌe Haka Takeꞌa 11:4

Te ŋā mataꞌite nei e haꞌaauraꞌa ena ꞌi ruŋa i te ⌊Pāpaꞌi Moꞌa⌋ pa he tumu ꞌōrivo e rua ꞌe pa he hakariꞌi e rua o muꞌa o te Pūꞌoko Haka Tere o te henua.