Rōmano 11:13 - Rapa Nui

¹³ E ai rō ꞌana tāꞌaku meꞌe mo kī atu ki a kōrua ki te nuꞌu taꞌe he hūrio: te ꞌAtua ko haꞌataꞌa ꞌā i a au pa he ⌊ꞌāpōtoro⌋ mo haka ꞌite atu ki a kōrua i tāꞌana vānaŋa. ꞌO ira a au e aŋa riva-riva nei i te aŋa nui-nui nei,

Rōmano 11:13 ပူးပေါင်းရင်းမြစ်များ

Aŋa o te ꞌĀpōtoro 13:2

ꞌI te mahana e tahi, e haꞌamuri nō ꞌā ananake ki te ꞌAtua ꞌe e tapu ꞌana i te kai, he kī e te ⌊Vārua Maitai⌋: «Ka haꞌataꞌa kōrua i a Verenāvē ararua ko Sauro; e ai rō ꞌā tāꞌaku aŋa mo rāua».

Aŋa o te ꞌĀpōtoro 22:21

»He kī mai e Ietū: “Ka oho nō; ꞌī a au he uŋa i a koe ki te nuꞌu taꞌe he hūrio noho ꞌi te ŋā henua ena e roa rō ꞌā mai nei”».

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.