Rōmano 10:8 - Rapa Nui

⁸ Te meꞌe mau nō ꞌāꞌau mo manaꞌu: «Te roŋo o te ꞌAtua nā ꞌi muri i a koe mau ꞌā: ꞌi roto i tuꞌu māhatu ꞌe ꞌi roto i tuꞌu haha». Te roŋo nei ko te meꞌe ena: e haka moe te manaꞌu ꞌi ruŋa i a Ietū, he meꞌe nei o mātou e haka ꞌite e oho nei.

Rōmano 10:8 ပူးပေါင်းရင်းမြစ်များ

Aŋa o te ꞌĀpōtoro 10:43

»Te perofeta taꞌatoꞌa o muꞌa ꞌā ko vānaŋa era ꞌana o ruŋa i a Ietū, ꞌe ko kī era ꞌā: hai meꞌe ka aŋa era e ia, te hara o te nuꞌu taꞌatoꞌa haka moe i te manaꞌu ꞌi ruŋa i a ia ka haka kore ena e te ꞌAtua.

Aŋa o te ꞌĀpōtoro 16:31

He pāhono e kuā Pauro: —Mo haka moe kōrua i te manaꞌu ꞌi ruŋa i a Ietū, he eꞌa a koe ꞌe te nuꞌu o tuꞌu hare mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 10:17

Te meꞌe nō, mo haka moe e tahi kope i tōꞌona manaꞌu ꞌi ruŋa i te Kiritō, e ŋaroꞌa ꞌi raꞌe i te roŋo parautiꞌa o ruŋa; ꞌe mo ŋaroꞌa i rā roŋo, e haka ꞌite e te nuꞌu.

Karatia 3:2

Iā. ꞌĪ a au he ꞌui atu: ¿Te Vārua Maitai o roto i a kōrua hai haꞌatura ki te ⌊haka tere iŋa ꞌa Mōtē⌋ ꞌo hai haka moe i te manaꞌu ꞌi ruŋa i a Ietū? ¿Taꞌe ꞌō hai haka moe i te manaꞌu ꞌi ruŋa i a Ietū?

Karatia 3:5

Ka haka topa rā te kōrua manaꞌu he aha te ꞌAtua e vaꞌai atu ena i te Vārua Maitai ꞌe e aŋa ena i te mana ꞌi roto i a kōrua. ꞌO te haka moe o kōrua i te manaꞌu ꞌi ruŋa i a Ietū ꞌe ꞌi ruŋa i tāꞌana roŋo, taꞌe ꞌō ꞌo te haꞌatura ki te haka tere iŋa ꞌa Mōtē.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

1 Pētero 1:25

ꞌe te vānaŋa o te ꞌAtua e ko ŋaro ki te hora hopeꞌa». ꞌE nei vānaŋa he ⌊roŋo riva-riva o ruŋa i a Ietū Kiritō⌋ haka ꞌite atu ki a kōrua.