Rōmano 10:4 - Rapa Nui

⁴ Te haŋa: he haka tano e te ꞌAtua i a rāua ki tōꞌona mata hai haꞌatura o rāua ki te ⌊haka tere iŋa ꞌa Mōtē⌋. ꞌE te parautiꞌa mau, hai tuꞌu iŋa mai era o Ietū Kiritō i kore ai te hauhaꞌa o te meꞌe ena he haꞌatura ki rā haka tere iŋa mo tano o te taŋata ki te mata o te ꞌAtua. Hora nei taŋata nō era mo ⌊haka moe i te manaꞌu⌋ ꞌi ruŋa i a Ietū e tano rō ꞌā ki te mata o te ꞌAtua.

Rōmano 10:4 ပူးပေါင်းရင်းမြစ်များ

Māteo 3:15

He pāhono e Ietū: —Mo te hora nei ka haka rē pē nā ꞌā, mo haka tano tahi i te meꞌe haŋa o te ꞌAtua. He papatito ia e Iovani.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

Karatia 3:24

Mo tātou te haka tere iŋa ꞌa Mōtē pa he kope hāpaꞌo ŋā poki, haka tika i te tātou ara ꞌātā ki te tuꞌu iŋa mai o Ietū Kiritō, ki ai ai hora era ōꞌona ka tuꞌu mai ena he tano a tātou ki te mata o te ꞌAtua hai haka moe i te manaꞌu ꞌi ruŋa i a ia.

Karatia 4:5

mo haka eꞌa i a tātou mai roto i rā haka tere iŋa, ꞌe mo haka riro i a tātou i te nuꞌu ⌊haka moe i te manaꞌu⌋ ꞌi ruŋa i tāꞌana Poki he ŋā poki parautiꞌa ꞌāꞌana.

Kōrosa 2:10

ꞌE, ꞌo te ai o kōrua ꞌāꞌana, ko ai tahi ꞌana i a kōrua te meꞌe mo tano o kōrua ꞌe o te kōrua noho iŋa ki te mata o te ꞌAtua. A Ietū Kiritō, paꞌi, he Pūꞌoko Haka Tere o te meꞌe taꞌatoꞌa, ꞌātā o te ŋā kope ena ꞌina he takeꞌa mai haka tere i te ao nei.

Kōrosa 2:17

Te meꞌe taꞌatoꞌa nei he ꞌata e tahi o te meꞌe parautiꞌa mo oho mai, ꞌe rā meꞌe ko Ietū Kiritō.

ꞌEvereo 10:14

Hai tūtia mau nō era ōꞌona e tahi i haka riro ai i te nuꞌu haꞌataꞌa e te ꞌAtua māꞌana he nuꞌu ꞌina e tahi hara ki te hora hopeꞌa.