Rōmano 10:3 - Rapa Nui

³ Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.

Rōmano 10:3 ပူးပေါင်းရင်းမြစ်များ

Ruka 10:29

ꞌE, ꞌi te haŋa o tū kope era mo haka takeꞌa i a ia pa he taŋata tano, he ꞌui ki a Ietū: —¿Ko ai hō te rua taŋata mo haŋa e au?

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 10:2

Te parautiꞌa, e kimi rō ꞌana mo tano o rāua ki te mata o te ꞌAtua; te ꞌati nō, taꞌe a roto i te ara parautiꞌa o te ꞌAtua.

Rōmano 10:20

I pāpaꞌi takoꞌa rō e te perofeta era ko ꞌItaia pē nei ē: «Te nuꞌu taꞌe kimi mai, i ravaꞌa rō i a au; ꞌe te nuꞌu taꞌe ꞌui o ruŋa ōꞌoku, ki a rāua a au i haka takeꞌa ai i a au».

Rōmano 11:7

¿He aha ia te auraꞌa o te meꞌe taꞌatoꞌa nei? Te auraꞌa: te rahi raꞌa o te itaraera ꞌina kai ravaꞌa i te rāua meꞌe kimi: he tano o rāua ki te mata o te ꞌAtua. O te nuꞌu itaraera haꞌataꞌa e te ꞌAtua māꞌana i ravaꞌa. ꞌE tū rahi raꞌa era o te itaraera ko haka hio-hio ꞌā e te ꞌAtua i te rāua manaꞌu.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 5:19

ꞌO te taꞌe haꞌatura o te taŋata mau nō e tahi i hara tahi ai te taŋata, ꞌe ꞌo te haꞌatura o te taŋata mau nō e tahi meꞌe rahi nō atu taŋata ka ai ena he nuꞌu e tano rō ꞌana ki te mata o te ꞌAtua.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.