Rōmano 10:20 - Rapa Nui

²⁰ I pāpaꞌi takoꞌa rō e te perofeta era ko ꞌItaia pē nei ē: «Te nuꞌu taꞌe kimi mai, i ravaꞌa rō i a au; ꞌe te nuꞌu taꞌe ꞌui o ruŋa ōꞌoku, ki a rāua a au i haka takeꞌa ai i a au».

Rōmano 10:20 ပူးပေါင်းရင်းမြစ်များ

Māteo 20:16

He kī ia e Ietū: «Pē ira te haka tere iŋa ꞌāpī o te ꞌAtua ka ai ena: te nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe; ꞌe te nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa».

Ruka 14:23

»He kī haka ꞌou e tū taŋata era ki rā tāvini: “Ka oho koe a te ara ꞌe a ꞌuta ka haka koni ki te nuꞌu mo oho mai ki ꞌī ai tōꞌoku hare.

Rōmano 10:3

Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.

Rōmano 9:30

¿He aha ia te tātou meꞌe mo kī o ruŋa i te ŋā meꞌe taꞌatoꞌa nei? Hai haka moe i te manaꞌu ꞌi ruŋa i a Ietū, te ꞌAtua i haka tano ai ki tōꞌona mata i te nuꞌu taꞌe he hūrio, nuꞌu taꞌe kimi i te rāveꞌa mo tano o rāua ki tōꞌona mata.

Rōmano 9:31

ꞌE te nuꞌu hūrio uꞌi i te rāveꞌa mo tano o rāua ki te mata o te ꞌAtua hai haꞌatura ki te haka tere iŋa ꞌa Mōtē, ꞌina kai ravaꞌa i rā meꞌe.

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.